Թուզը կալիումի մեծ քանակության շնորհիվ անփոխարինելի է դառնում սիրտ-անոթային հիվանդությունների ժամանակ, քանի որ կալիումը թեթևացնում է արյունատար անոթների լարվածությունը, հանգստացնում և լայնացնում է դրանք: Այն հարուստ է բետա-կարոտինով, В1, В2, В3, В6, РР, С վիտամիններով: Շատ մեծ կալորիականության պատճառով խորհուրդ չի տրվում օգտագործել նրանց, ովքեր հակված են գիրանալու:

Լոռամիրգը ակտիվացնում է մտավոր և ֆիզիկական աշխատունակությունը, իջեցնում է զարկերակային ճնշումը, մեծացնում է ստամոքսահյութի արտադրությունը: Այս հատապտուզը օգտակար է երիկամային և միզապարկի հիվանդությունների բուժման ժամանակ: Լոռամրգի հյութն օժտված է ջերմիջեցնող հատկությամբ: Լոռամրգի հյութը կանխարգելում է երիկամներում քարերի առաջացումը, օժանդակում է ենթաստամոքսային գեղձի ակտիվությանը: Խորհուրդ չի տրվում օգտագործել լոռամրգի հյութը լյարդի և ստամոքսի խոցային հիվանդությունների ժամանակ, աղիների հիվանդությունների ժամանակ:

Խուրման խորհուրդ է տրվում օգտագործել որպես դիետիկ սնունդ: Նրա դոնդողանման փափուկ մասը պարունակում էշատ պեկտիդներ, որոնք օժանդակում են օրգանիզմից դուրս բերել թունավոր նյութերը: Բայց փափուկ զանգվածը կարող է խեղդող տպավորություն ստեղծել մարդկանց մոտ: Խուրմայի մեջ մեծ քանակությամբ գլյուկազա, վիտամին A, C, P սախարոզա, յոդ, մագնեզիում է պարունակվում, ինչպես նաև պեկտինային նյութեր, որոնք օգնում են աղեստամոքսային տրակտի մարսողության ֆունկցիաների գործունեությանը: