Չմոռանա՛ս տեղադրել նաև քո աշխատանքը.
...այն կարող է օգտակար լինել նրա համար,
ով այս աշխատանքը տեղադրել է քեզ համար...

Գործարար գործունեության իրականացման ընթացքում ռիսկից խուսափելը գրեթե անհնար է։ Այնուամենայնիվ, եթե փոքր ձեռնարկությունները գիտակցաբար են ռիսկի դիմում, քանի որ շահույթի չափն ուղղակիորեն կապված է ռիսկի դիմելու հմտության և կարողության հետ, ապա խոշոր և միջին ձեռնարկությունները, հանդիսանալով շուկայական հարաբերությունների կարևոր մասնակից, շատ հաճախ պետք է իրենց կամքից անկախ «ներքաշվում են» ռիսկային իրավիճակների մեջ: Հետևաբար, կազմակերպության կառավարման գործունեության հիմնական խնդիրն է գնահատել և վերլուծել հնարավոր ռիսկը, բացահայտել դրա վրա ազդելու գործոնները և ընտրել ռիսկը նվազեցնելու մեթոդներ:
Կազմակերպության ֆինանսական ռիսկը անբարենպաստ ֆինանսական արդյունքների առաջացման հավանականությունն է՝ եկամտի կամ կապիտալի կորստի տեսքով, կամ անորոշության պայմաններում լրացուցիչ եկամուտ ստանալու հնարավորությունը՝ որպես կազմակերպության գործունեության հետևանք: Ֆինանսական ռիսկի գնահատումն ու վերլուծությունն իրականացվում է ռիսկի մեծությունը (կամ աստիճանը) բնութագրող կորուստների հավանականությունը և չափը որոշելու համար: Այն կարող է իրականացվել՝ օգտագործելով վերլուծության տարբեր մեթոդներ՝ որակական, քանակական կամ համալիր: Օգտագործելով վերլուծության սույն մեթոդները՝ կազմակերպությունները կարողանում են բացահայտել ռիսկերի այն տեսակները, որոնք սպառնում են կազմակերպության գործունեությանը, դիտարկել ռիսկի մակարդակի վրա ազդող գործոնները, դրանց քանակական և որակական ազդեցությունը և ռիսկի հնարավոր ներազդման ոլորտները: