Դուք քնելու հետ կապված խնդիրնե՞ր ունեք: Մի շտապեք քնաբեր խմել: Ավելի կարևոր է հասկանալ երևույթի պատճառը, հետո միայն սկսել բուժվել:
Երկար ժամանակ չեք կարողանում քնել: Դա, հավանաբար, գերհոգնածության հետևանք է: Մեկ-երկու օր հանգստացեք:
Նոռմալ քնում եք, բայց գիշերվա ընթացքում մի քանի անգամ արթնանում եք: Այցելեք թերապևտին: Հնարավոր է, որ դա ստենոկարդիայի, խոցային հիվանդությունների, գաստրիտի, պանկրեատիտի ցավային ախտանիշների պատճառով լինի:
Շատ վաղ եք արթնանում և այլևս չեք կարողանում քնել: Դա հաճախ պատահում է հեռավոր երկրներում հանգստանալու կամ գործուղումների պատճառով ժամային գոտիները փոխելիս: Փոփոխվում է կենսառիթմերի աշխատանքը, և օրգանիզմը շփոթում է գիշերն ու ցերեկը: Քնի խանգարման պատճառ կարող են լինել նաև հորմոնային խանգարումները:
Այնպիսի զգացում ունեք, թե ողջ գիշեր չեք քնել, արթնանում եք կոտրտված մարմնով: Դա նույնպես օրգանիզմի նոռմալ աշխատանքի խախտման նշան է: Չափեք արյան զարկերակային ճնշումը:
Աղբյուր՝ ArmEco.am · նյութի մասնակի կամ ամբողջական արտատպումն առանց ArmEco.am-ին հղման արգելվում է
Մուտք
5419
| 
ՉԱՏ