Խոնավության հետ մեկտեղ օրգանիզմը մեծ քանակությամբ հանքային նյութեր է կորցնում: Բոլորից հեշտ օրգանիզմից դուրս են գալիս կալիումի միացությունները, ինչը վատ է անրադառնում սրտի աշխատանքի վրա: Դրա համար էլ տոթին սրտի նոպաներ հաճախակի են լինում: Ամառվա տոթին սրտի հիվանդություններ ունեցող մարդկանց խորհուրդ է տրվում կալիումի աղ պարունակող ըմպելիքներ օգտագործել, օրինակ՝ բալի հյութ:
Մրգերի և բանջարեղենի բնական, թարմ հյութերի օգտակար հատկությունների մասին գիտեն բոլորը: Ծարավն ամենից լավ հագեցնում են բալի, սալորի, շլորի, հոնի հյութերը: Այս հյութերն օգնում են միանգամից "երկու նապաստակ խփել", և՛ ծարավը հագեցնել, և՛ վիտամիններ, օրգանական թթուներ, հանքային աղեր ստանալ: Այսպես, օրինակ, վիտամին C-ի օրվա պահանջը լրացնելու համար բավական է սև հաղարջի կամ չիչխանի կես բաժակ հյութը, օրգանական թթուների պահանջը բավարարելու համար 1 բաժակ բալի հյութը:
Առանց պտղամսի հյութերը լինում են "վճիտ" և "պղտոր": Վերջիններս իրենց սննդարար հատկություններով ավելի օգտակար են, չնայած արտաքին տեսքն այնքան էլ գրավիչ չէ:
Պտղամսով հյութերը ոչ միայն հյութ են պարունակում այլև ջրի մեջ չլուծվող նյութեր՝ բջջանյութ, պեկտին, ճարպալույծ վիտամիններ, այդ պատճառով էլ դրանց արժեք ավելի բարձր է:Որպես կանոն, բնական մրգահյութերի մեջ դրանց պարունակությունը չի գերազանցում 45 տոկոսը: A և E ճարպալույծ վիտամիններ պարունակող մրգերից և բանջարեղեններից, օրինակ, դեղձից, ծիրանից, գազարից և այլն, միայն պտղամսով հյութեր են պատրաստում:
Հանքային ջրերի բուժիչ հատկություններին ծանոթ էին դեռ Հին Հունաստանում և Հռոմում: Բնական ծագում ունեցող ջրերը մեծ քանակությամբ հանքային աղեր են պարունակում: Շատերի համար հանքային ջուրը գերադասելի թարմացնող հեղուկ է: Աղի համ ունենալով՝ այն հիանալիորեն հագեցնում է ծարավը, խթանում ախորժակը, վերացնում հոգնածությունը:
Բոլոր ժամանակակից գազավորված ըմպելիքների նախատիպը լիմոնադն էր, որը պատրաստում էին՝ իրար խառնելով մի քիչ շաքար, ցիտրուսային մրգերի կեղևի սպիրտային թուրմը և ջրով բացած հյութը: Ի դեպ, "Կոլայի" նման ըմպելիքները սկզբում նույնպես բնական հումքից՝ կոլա տեսակի ընկույզի թուրմից էին պատրաստում, որը հարուստ է կոֆեինով և թեոբրոմինով: Իսկ այսօր արդեն նման ըմպելիքներ գտնելը դժվար է, որովհետև դրանցում ավելացնում են սննդի մեջ օգտագործվող ներկանյութեր և բուրավետ նյութեր:
Թերևս միակ դրական նորամուծությունը շաքարի փոխարինիչների՝ սորբիտի, ասպարտամի կամ քսիլիտի օգտագործումն է: Դա նվազեցնում է գազավորված ըմպելիքների կալորիականությունը, որը շատ կարևոր է ոչ միայն ժամանակակից մարդու, այլև դիաբետով հիվանդ մարդկանց համար:
Նշենք նաև, որ այս բոլոր հավելումները պաշտոնապես թույլատրված են օգտագործման համար:
Աղբյուր՝ ArmEco.am · նյութի մասնակի կամ ամբողջական արտատպումն առանց ArmEco.am-ին հղման արգելվում է
|
Մուտք
6521
| 
ՉԱՏ