Նոբելյան մրցանակի դափնեկիր տնտեսագետները...
Նոբելյան մրցանակը շվեդական ամենամյա բարձրակարգ մրցանակ է, որը հիմնվել է 1895 թվականին և կրում է շվեդ ճարտարագետ-քիմիկոս Ալֆրեդ Նոբելի անունը, ով գյուտարար էր, դինամիտի` ուժանակի ստեղծողը: Այն շնորհվում է հեղինակավոր գիտական հայտնագործությունների, մշակույթի մեջ արված ներդրումների, հասարակության զարգացմանը նպաստելու համար։ Մրցանակը կազմում է 1,3 միլիոն դոլար և սահմանվում է հետևյալ բնագավառներում՝ ըստ Ալֆրեդ Նոբելի կտակի՝ գրականություն, քիմիա, ֆիզիկա, ֆիզիոլոգիա և բժշկություն, խաղաղարարություն: 1969 թվականից Շվեդական բանկի միջնորդությամբ և հովանավորությամբ մրցանակ է տրվում նաև տնտեսագիտության ոլորտում ներդրումների համար:
Նոբելյան մրցանակն առաջին անգամ շնորհվել է 1901 թվականի դեկտեմբերի 10-ին` մրցանակը սահմանողի մահվան տարելիցի օրը, և դարձել ամենամյա: Այդ գործը տնօրինում է Նոբելի հայրենիքի` Շվեդիայի գիտությունների թագավորական ակադեմիան: Նշանակված օրը` հանդիսավոր արարողության ընթացքում, Նոբելյան մրցանակը և դրամական պարգևը` մի քանի տասնյակ հազար ամերիկյան դոլար, սահմանված ծիսակարգով հանձնում են նորընծա դափնեկրին: Նոբելյան մրցանակը շնորհվում է Օսլոյում` Նորվեգիայի մայրաքաղաքում` համաձայն խորհրդարանի կողմից ընտրված Նոբելյան կոմիտեի որոշման: Արարողությանը ներկա են լինում 2 երկրների` Շվեդիայի և Նորվեգիայի արքաները: