Ի՞նչ է սերը. այս հարցին դժվարանում են պատասխանել նույնիսկ սիրահարվածները, սակայն երեխաները շատ ավելի լավ գիտեն, թե ինչ է սերը: Այս մասին հաղորդում է ofigenno.cc-ն:
Հոգեբանները հետաքրքիր փորձ են անցկացրել` խնդրելով 4-ից 8 տարեկան երեխաներին՝ պատասխանել «Ի՞նչ է սերը» հարցին: Պատասխանները շատ անսպասելի և զարմանալիորեն խորիմաստ են ստացվել:
Եթե չես սիրում, երբեք չպետք է ասես՝ «Ես քեզ սիրում եմ», սակայն երբ սիրում ես , պետք է այդ մասին ասես անընդհատ. մարդիկ մոռանում են: Ջեսիկա, 8 տարեկան
Սերն այն է, երբ սեփական շունիկդ լիզում է դեմքդ նույնիսկ այն բանից հետո, երբ նրան ողջ օրը մենակ ես թողել: Մերի Էնն, 4 տարեկան
Սերն այն է, երբ մայրիկը տեսնում է հայրիկին ամբողջությամբ քրտինքի մեջ կորած և կեղտոտված, բայց միևնույն է՝ ասում է, որ նա ավելի գեղեցիկ է, քան Ռոբերտ Ռեդֆորդը: Քրիս, 7 տարեկան
Սերն այն է, երբ դու տղային ասում ես, որ քեզ դուր է գալիս նրա վերնաշապիկը, և նա այն կրում է ամեն օր: Նոել, 7 տարեկան
Սերն այն է, երբ իմ մայրիկը սուրճ է պատրաստում հայրիկիս համար և վրայից մի կում փռթացնում է, որպեսզի համոզվի, որ այն համեղ է ստացվել: Դենի, 7 տարեկան
Սերն այն է, ինչը ստիպում է քեզ ժպտալ, երբ հոգնած ես: Տերրի, 4 տարեկան
Սերն այն է, երբ սնվելու համար որևէ վայր ես գնում և քո տապակած կարտոֆիլի մեծ մասը տալիս ես ինչ -որ մեկին՝ դրա դիմաց ոչինչ չպահանջելով: Կրիսսի, 6 տարեկան
Եթե ինչ որ մեկը սիրում է քեզ, նա առանձնահատուկ է արտասանում քո անունը: Բիլլի, 4 տարեկան
Երբ իմ տատիկը հիվանդացավ հոդաբորբով, նա չէր կարողանում այլևս կռանալ և ներկել ոտքի եղունգները, իսկ իմ պապիկը օգնում էր նրան այդ հարցում, նույնիսկ երբ նրա ձեռքերը հիվանդ էին հոդաբորբով: Դա սերն է: Ռեբեկա, 6 տարեկան:
Մուտք
9230
| 
ՉԱՏ