1. Խնամված ձեռքեր: Գեղեցիկ սեռի ներկայացուցիչներից շատերը չգիտեն, որ տղաները բավականին ուշադիր են ձեռքերի նկատմամբ: Հետևաբար ձեռքերը միշտ պետք է լինեն փափուկ, մաքուր և խնամված:
2. Գրագետ դիմահարդարում: Դիմահարդարվելիս չպետք է մոռանալ, որ ցանկացած պարագայում գնահատելի է բնականությունը: Պետք չէ միարժամանակ ընդգծել և՛ աչքերը, և՛ շուրթերը: Դիմահարդարումը ոչ միայն պետք է համապատասխանի Ձեր հագուստին, այլև Ձեր դիմագծերին: Հիշեք. դիմահարդարման նպատակը թերությունների քողարկումն ու առավելությունների ընդգծումն է:
3. Կոկիկ մատնահարդարում: Համաձայնեք, որ չխնամված եղունգները կարող են փչացնել ամբողջ արտաքին տեսքը, ուստի պետք չէ անտեսել դրանց խնամքը ևս: Եթե Ձեզ դուր չեն գալիս գունավոր լաքերը, կարող եք պարզապես թափանցիկ լաք օգտագործել:
4. Առողջ մաշկ: Շաբաթական մեկ օր նվիրեք Ձեր մաշկի խնամքին. այցելեք համապատասխան մասնագետի: Վերջինիս հետ խորհրդակցելուց հետո կարող եք տնային պայմաններում ևս մաշկը խնամող դիմակներ պատրաստել և բավակնին լավ արդյունքների հասնել:
5. Լավ ընտրված օծանելիք: Օծանելիքը պետք է առավելագույնս ներդաշնակի Ձեր էությանը, արտահայտի Ձեր բնավորությունն ու խառնվածքը:
6.Հագուստի սեփական ոճ: Նորաձևությանը հետևում են շատերը, բայց քչերն ունեն ոճի զգացում: Հագուստ ընտրելիս եղեք ստեղծագործ, ընտրեք այն, ինչ Ձեզ սազում և ընդգծում է Ձեր առավելությունները:
7. Ճիշտ ընտրված կոշիկներ: Կոշիկն առաջին հերթին պետք է լինի հարմարավետ և ապահովի Ձեր սլացիք և գեղեցիկ քայլվածքը: Նախքան բարձրակրունկներին անցնելը պետք է սովորել դրանցով ճիշտ քայլել, որովհետև ամենաշքեղ կոշիկով անգամ Դուք ծիծաղելի տեսք կունենաք, եթե չկարողանաք հանգիստ քայլել:
Եվ վերջապես, հիշենք և մտապահենք բոլոր ժամանակների ամենաշքեղ կնոջ՝ Կոկո Շանելի հայտնի միտքը. «Գեղեցկության խնամքը պետք է սկսել սրտից և հոգուց,այլապես ոչ մի կոսմետիկ միջոց չի օգնի»:
Մուտք
10717
| 
ՉԱՏ