Օրական մեկ թուրինջ կերեք, դա նշանակալիորեն նվազեցնում է խոլեստերինի մակարդակը և, որպես հետևանք, սիրտ - անոթային հիվանդությունների վտանգը:
Ճիշտ է, այն մի քիչ դառնահամ է, բայց հանուն առողջության կարելի է դիմանալ: Նման խորհուրդ են տալիս Երուսաղեմի համալսարանի իսրայելցի գիտնականները:
Հետազոտությանը մասնակցել են 57 հիվանդներ, ովքեր մի քանի շաբաթ առաջ սրտի վիրահատության էին ենթարկվել (պսակային անոթների շունտավորում): Նրանց մոտ բարձր են եղել խոլեստերինի և լիպիդների մակարդակները, որոնց պատճառով օրգանիզմը չի արձագանքել վերքերը սպիացնեղ միջոցներին:
Հիվանդներին երեք խմբի են բաժանել, առաջին խմբի անդամները կարմիր միջուկով մեկական թուրինջ են կերել, երկրորդ խմբի հիվանդները՝ դեղին միջուկով, իսկ երրորդ խմբի հիվանդները ընդհանրապես թուրինջ չեն կերել: Փորձը տևել է 30 օր: Արդյունքում պարզվել է, որ միրգը կերած հիվանդների մոտ էապես իջել են խոլեստերինի և լիպիդների մակարդակները, իսկ ովքեր այս միրգը չեն կերել, նրանց մոտ փոփոխություններ չեն գրանցվել: Ի դեպ, կարմիր միջուկով թուրինջն ավելի օգտակար է:
Աղբյուր՝ ArmEco.am · նյութի մասնակի կամ ամբողջական արտատպումն առանց ArmEco.am-ին հղման արգելվում է
Մուտք
7538
| 
ՉԱՏ