Հարստանալ ուզում են երեւի թե բոլորը, եւ ինչպես պարզվում է, այն յուրաքանչյուրի հնարավորությունների սահմաններում է: Կարևորը անպետքական մտքերը գլխից հանելն է և «կարգավորումներ» տալը: LN-ը ձեզ է ներկայացնում մի քանի հանգամանք, որ խանգարում են մեզ հարստանալ:
Նպատակի բացակայություն
Պետք է գոնե մոտավոր իմանալ, թե հանուն ինչի եք ձգտում մեծ գումարների: Չէ որ միլիոնատեր չեն դառնում նոր զգեստներ գնելու ցանկությունից դրդված: Հստակ պլան մշակեք: Հնարավոր է, որ նոր գործ եք ուզում սկսել, բացել սեփական հիմնարկ կամ ուզում եք հիմնովին վերանորոգել տունը: Պետք է ընտրել նաև որոշակի ժամանակահատված, որի սահմաններում պետք է հասնեք Ձեր նպատակին:
Ձգտում համբավի
Անիմաստ զբաղմունքներից մեկն է: Եթե ուզում եք հարստանալ զուտ նրա համար, որ մեկի վրա տպավորություն թողնեք, ապա 99% հավանականությամբ Ձեզ մոտ դա չի ստացվի: Սա վերաբերում է կյանքի բոլոր ոլորտներին: Դուք մեծ ժամանակ կծախսեք Ձեր կերպարի վրա՝ շեղվելով այն գործից, ինչն իսկապես պետք է Ձեզ:
Վնասակար սովորություններ
Դա կարող է լինել սերը ալկոհոլի, ծխախոտի, խաղերի հանդեպ: Այս ամենը կոտրում է կամքը` քաոսի վերածելով նրանց հոգեբանական վիճակը: Իհարկե, այս ամենը մեծ ազդեցություն ունի նաև մեր ֆինանսական վիճակի վրա:
Շտապ փողի ծարավ
Հարստության հասնելու ճանապարհին ամենակարևորը համբերատարությունն է: Եթե դուք մտածում եք, թե փողերը երկնքից անասելի արագությամբ թափվելու են Ձեր գլխին, ապա Ձեզ մեծ հիասթափություն է սպասվում: «Արագ փողերը» այս կյանքում կարելի է դասել միայն անհավանական հաջողությունների շարքին:
Վախ ռիսկի դիմելուց
Զգույշ և նրբանկատ լինելը իհարկե վատ չէ, բայց ծայրահեղությունների մեջ ընկնելն էլ պետք չէ: Երբեմն հաղթելու համար, պետք է ռիսկի դիմել: հիշեք, որ ով ռիսկի չի դիմում, չի խմում շամպայն: Երբեմն պետք է նաև սխալվել, կորցնել գումար, որպեսզի հետո՝ այդ ամենից փորձ ձեռք բերելու արդյունքում մեծ գումար շահեք: Այստեղ, ինչպես ամենուր, լավ է ոսկե միջինը:
Մուտք
5226
| 
ՉԱՏ