Տղամարդու մոտ այլ կանանց թերություններից բամբասելը բնորոշ է գրեթե բոլոր կանանց: Դա բացատրվում է հնարավոր մրցակցությունից խուսափելու պաշտպանական ռեակցիայով: Սակայն դա այնքան էլ ազդեցիկ միջոց չէ, քանի որ բամբասող կինը տղամարդու աչքին երևում է խղճուկ ու տհաճ: 

Տղամարդիկ չեն սիրում, երբ կանայք հետաքրքրվում են միայն իրենց դրամապանակի պարունակությամբ: Եթե դուք ծանոթություն հաստատելիս միանգամից հարցնում եք նրա աշխատանքի վայրի կամ բնույթի մասին, ապա դա հասկացվում է որպես աշխատավարձի չափի որոշման ձև: 

Տղամարդիկ չեն սիրում, երբ նրանց մշտապես մատնացույց են անումթույլ տված սխալները կամ քննադատում են արած գործը` նշելով, որ դա կարելի էր էլ ավելի լավ անել: Նման մոտեցումը դեռ ոչ մի տղամարդու դուր չի եկել: 

Տղամարդկանց դուր չի գալիս, երբ կանայք ամեն ինչում հույսը դնում են իրենց վրա և ոչ մի գործ չեն կարողանում ինքնուրույն անել: Շատերը, նույնիսկ խոհանոցում, հարցնում են ամուսնու խորհուրդը: Նման կանայք շատ շուտ են հոգնեցնում իրենց ամուսիններին: 

Տղամարդուն պահելու լավագույն միջոցը նրան ազատություն տալն է: Եթե ննրան վստահում եք, ապա իզուր տեղը մի վիրավորեք անտեղի կասկածներով: Եթե վստահ եք, որ նա ձեզ դավաճանում է` առանց երկմտելու հեռացեք: 

Տղամարդիկ ատում են, երբ կազմակերպում են շքեղ երեկո կամ նվիրում են թանկարժեք իրեր, իսկ փոխարենը նույնիսկ "շնորհակալություն" բառը չեն լսում: 

Ոչ մի տղամարդ չի կարող նորմալ ապրել մի կնոջ հետ, որն անհանգիստ է նույնիսկ ինքն իր հետ: 

Տղամարդիկ տանել չեն կարող, երբ կինը մշտապես հիշում է իր նախկին սիրավեպերը: Տպավորություն է ստեղծվում, թե այդ կերպ կինն արտահայտում է իր դժգոհությունը կամ համեմատում է իրեն նախկինի հետ: 

Այն կինը, որին ոչ մի բան չի գոհացնում և որը միշտ դժգոհում է, չի կարողանա իր կողքը պահել և ոչ մի տղամարդու: 

Մի փորձեք քննարկել ամուսնու հետ կանացի թեմաներ` ով ինչ էր հագել, որ շրթներկն է լավը կամ նմանատիպ այլ բաներ. դա նրանց չի հետաքրքրում: Զրույցի համար ավելի լավ է գտնել տղամարդուն հետաքրքրող թեմաներ: