Արման Արմանյանի "Հարստության գաղտնիքներն ու կանոնները" գիրքն իր մեջ ամփոփում է հեղինակի տարիների քրտնաջան ու համառ տնտեսական գործունեության արդյունքում ձևավորված տրամաբանական եզրահանգումների մեծ շղթա, ուր դասակարգված դրվագներով ներկայացվում են նրա խոհերն ու խորհուրդները` ուղղված տնտեսական դաշտում հաջողակ գործունեություն իրականացնել ձգտող մարդկանց:

Գրքում մատչելի լեզվով նկարագրվում են ֆինանսատնտեսական ոլորտի լրջագույն խնդիրների հանդեպ հեղինակի վերաբերմունքը, գնահատականները, դրանց հնարավոր վնասներից ընթերցողին հետ պահելու ուղիները, ինչպես նաև հարստության հասնելու համար անհրաժեշտ հատկություններն ու քայլերը: