Գլոբալացում. աշխարհի տարբեր երկրների տնտեսավարման համակարգերի տնտեսական կապերի և փոխազդեցությունների ուժեղացում, արտադրության և կապիտալի ինտերնացիոնալիզացում, որը բերում է տնտեսավարման նորմերի ու պայմանների նույնացմանը: Առաջացնում է առանձին երկրների տնտեսությունների ազգային առանձնահատկությունները պաշտպանողների դժգոհությունն ու հակազդեցությունը:
Գնային դիսկրիմինացիա. վաճառողի վարքագիծը ոչ կատարյալ մրցակցային շուկայում, երբ միևնույն ապրանքի համար սահմանվում են տարբեր գներ: Գնային դիսկրիմինացիայի պայմանն է վաճառողի կողմից տվյալ ապրանքի նկատմամբ ըստ պահանջարկի էլաստիկության գնորդների սահմանազատման հնարավորությունը:
Գների ինդեքս. ինդեքս, որը ցույց է տալիս "շուկայական զամբյուղի" գնի, այսինքն սպառողական ապրանքների շուկայական հավաքածուի գնի փոփոխության դինամիկան. որոշվում է ընթացիկ տարվա "շուկայական զամբյուղի" գնի և նմանատիպ զամբյուղի բազիսային գնի հարաբերությամբ: Օգտագործվում է արտադրանքի անվանական ծավալը (եկամուտը) իրական ծավալի (եկամտի) վերահաշվարկելու համար:
Գների հավասարակշռող ֆունկցիա. մրցակցային շուկայում գնի ունակությունը՝ բարձրանալու կամ իջնելու միջոցով հավասարեցնելու պահանջարկի մեծությունը առաջարկի մեծության հետ, վերացնելու ապրանքների կամ ծառայությունների պակասն ու ավելցուկը:
Գործազրկության բնական մակարդակ. գործազրկության մակարդակը ցիկլային գործազրկության պայմաններում. ֆրիկցիոն և կառուցվածքային գործազրկությունը միասին, որը կազմում է աշխատանքային ռեսուրսների 5-6 տոկոսը:
Գործառնություններ բաց շուկայում. ֆեդերալ ռեզերվային բանկի կողմից կառավարության արժեթղթերի առք ու վաճառք:
Գույքահարկ (սեփականության հարկ). ֆիրմաների և տնային տնտեսությունների սեփականության (կապիտալի, հողի, բաժնետոմսերի, փոխառության պարտատոմսերի և այլ ակտիվների) արժեքի վրա դրվող հարկ:
Մուտք
ՉԱՏ