Մուտք
Լաֆերի կորը. կոր, որը ցույց է տալիս հարկային դրույքաչափերի և հարկային մուտքերի ծավալի միջև կապը, այնպիսի դրույքաչափի բացահայտումը, (0-ից մինջև 100 տոկոս), որի դեպքում հարկային մուտքերը հասնում են առավելագույն մակարդակի:
Լիզինգային գործառնություն. երբ բանկը կամ նրա ենթակա լիզինգային կազմակերպությունը գնում է արտադրության միջոցներ (սարքավորումներ, հաշվողական տեխնիկա, օդանավեր, բեռնատար նավեր և այլն) և տալիս երկարատև վարձակալության: Վարձակալը պարբերաբար մուծումներ է կատարում դրանց դիմաց:
Լիկվիդայնություն. Փող կամ ապրանք, որոնք կարելի է հեշտ և արագ փոխարկել (վերածել) փողի առանց կորստի կամ դրանց գնողունակության քիչ կորուստով:
Լորենցի կոր. կոր, որը ցույց է տալիս, թե երկրի համախառն եկամտի ո’ր մասն է ստանում ցածր եկամուտներով կամ բարձր եկամուտներով ընտանիքների յուրաքանչյուր խումբ, այսինքն տոկոսներով արտահայտում է եկամտի բաշխումը տարբեր եկամուտներ ստացող ընտանիքների միջև: Այն պատկերվոր ձևով ցույց է տալիս, թե որքանով է եկամուտների փաստացի բաշխումը տարբեր ընտանիքների միջև տարբերվում հավասարակշռվածից:
Լրացուցիչ ծախքերի աճի օրենք. X արդյունքի լրացուցիչ քանակության միավորների արտադրությունը ենթադրում է Y արդյունքի միավորների զոհաբերություն՝ աճող քանակությամբ:
Լրիվ զբաղվածություն. 1) ապրանքների ու ծառայությունների արտադրության համար բոլոր պիտանի ու մատչելի ռեսուրսների օգտագործումը, 2) զբաղվածության այնպիսի մակարդակ, երբ առկա է միայն ֆրիկցիոն և կառուցվածքային գործազրկություն (բացակայում է ցիկլային գործազրկությունը), և իրական ՀԱԱ-ն հավասար է պոտենցիալ մեծությանը:
ՉԱՏ