Մուտք
Պահանջարկի գնային էլաստիկություն. ապրանքի պահանջարկի մեծության տոկոսային փոփոխության և այդ ապրանքի գնի տոկոսային փոփոխության հարաբերությունը: Գնողունակ պահանջարկի մեծության ռեակցիան ապրանքի գնի փոփոխության նկատմամբ:
Պահանջարկի գրաֆիկ. գրաֆիկ, որը ցույց է տալիս ապրանքների կամ ծառայությունների այն քանակը, որ գնորդները պատրաստ են գնել տվյալ ժամանակամիջոցում:
Պահանջարկի էլաստիկություն. պահանջարկ, որի էլաստիկության գործակիցը մեծ է մեկից, իսկ պահանջարկի մեծության փոփոխության տոկոսը մեծ է ապրանքի գնի փոփոխության տոկոսից:
Պահանջարկի ինֆլյացիա. ամբողջական պահանջարկի աճով պայմանավորված ինֆլյացիա. հասարակությունը փորձում է սպառել շատ, քան կարող է արտադրել:
Պահանջարկի մեծություն. տվյալ ապրանքի կամ ծառայության այն քանակությունը, որը գնորդը ցանկանում է գնել որոշակի գնով տվյալ ժամանակամիջոցում:
Պահանջարկի ոչ գնային դետերմինանտներ. գործոններ, բացառությամբ գնի, որոնք որոշում են ապրանքի և ծառայության պահանջարկի քանակական մեծությունները:
Պահանջարկի օրենք. հակադարձ կախվածություն ապրանքի կամ ծառայության գնի և պահանջարկի մեծության միջև որոշակի ժամանակամիջոցում:
Պարտադիր ռեզերվ. օրենքով սահմանված ռեզերվ, որը ֆեդերալ ռեզերվային բանկը սահմանում է կոմերցիոն բանկերի համար:
Պարիտետ. 1) երկու և ավելի գործոնների, նպատակների համարժեքություն, տարբեր տնտեսական սուբյեկտների իրավունքների և պարտականությունների, վճարումների, իրավիճակի հավասարություն շուկայում, 2) տարբեր երկրների դրամական միավորների հարաբերակցություն, որը սահմանվում է կամ նրանց ոսկու պարունակությամբ կամ գնողունակությամբ:
Պետական պարտքի ռեֆինանսավորում. մարման ժամկետի լրացման դեպքում կառավարության կողմից պետական արժեթղթերի տերերին տվող վճարումները՝ նոր արժեթղթերի վաճառքից գոյացած գումարների հաշվին կամ մարված արժեթղթերի փոխանակումը նորերով:
Պոզիտիվ տնտեսագիտություն. տնտեսական պահվածքի վերաբերյալ գիտական ընդհանրացումների նպատակով փաստերի կամ տվյալների վերլուծություն, ուսումնասիրում է այն, ինչ որ կատարվել է:
Պրոգրեսիվ հարկ. հարկ, որի միջին դրույքն աճում է հարկ վճարողի եկամտի աճին զուգընթաց և նվազում է այդ եկամտի կրճատման հետ:
ՉԱՏ