Փյուր - ԱրմԷկո.am

Գլխավոր » Բառարան » Ա Բ Գ Դ Ե Զ Է Ը Թ Ժ Ի Լ Խ Ծ Կ Հ Ձ Ղ Ճ Մ Յ Ն Շ Ո Չ Պ Ջ Ռ Ս Վ Տ Ր Ց Ու Փ Ք և Օ Ֆ

Փակ տնտեսություն. ապրանքներ և ծառայություններ չարտահանող և չներմուծող երկիր:

Փոխադարձ փոխարինելի ապրանքներ. ապրանքներ կամ ծառայություններ, որոնց համար գոյություն ունի ուղիղ համեմատական կախվածություն մեկի գնի, մյուսի` պահանջարկի միջև, այսինքն` մեկի գնի իջեցումը (բարձրացումը) առաջ է բերում մյուսի պահանջարկի փոքրացում (մեծացում):

Փոխարինման էֆեկտ. երբ ցածր գինը խթանում է նմանատիպ, բայց համեմատաբար էժան ապրանքների ձեռքբերումը:

Փոխլրացնող ապրանքներ. ապրանքներ կամ ծառայություններ, որոնցից մեկի գնի և մյուսի պահանջարկի միջև առկա է հակադարձ կախվածություն, այսինքն` մի ապրանքի կամ ծառայության գնի իջեցումը (բարձրացումը) բերում է մյուս ապրանքի կամ ծառայության պահանջարկի բարձրացում(կրճատում):

Փողի առաջարկ, փողի զանգվածը շրջանառության մեջ. շրջանառության մեջ գտնվող փողի զանգվածը, նեղ իմաստով M1 (կանխիկ փողը մետաղադրամների և թղթադրամների տեսքով, չեկային ավանդները), լայն իմաստով M2 (M1-ին գումարած ոչ չեկային ավանդներ և փոքր գումարի կարճաժամկետ ավանդներ) և M3 (M2-ին գումարած խոշոր գումարի երկարաժամկետ ավանդներ):

Փողի մուլտիպլիկատոր. ավելցուկայն ռեզերվների այն մասը, որն առևտրային բանկերի համակարգը կարող է օգտագործել շրջանառության մեջ գտնվող փողի զանգվածի և անժամկետ ավանդների գումարների ավելացման համար՝ նոր վարկեր տրամադրելու (կամ արժեթղթեր գնելու) միջոցով. հավասար է մեկը բաժանած պարտդիր ռեզերվի:

Փողի պահանջարկ ակտիվների համար. փողի այն քանակը, որը մարդիկ ցանկանում են պահել խնայողությունների ձևով (ֆինանսական ակտիվների քանակը փողի տեսքով), և որը հակադարձ համեմատական է տոկոսադրույքին:

Փողի պահանջարկ գործարքների համար. փողի այն քանակը, որը մարդիկ ցանկանում են ունենալ իբրև շրջանառության միջոց՝ առք ու վաճառքի գործարքներ կատարելու համար, և որն ուղիղ համեմա- տական է անվանական ՀՀԱ-ի փոփոխությանը:

Անցուդարձ