Մուտք
Ճանաչում (признание, потверждение, acknoledgment). 1) ստորագրություն փաստաթղթի վրա, որը վավերացված է իրավասու անձի կողմից, 2) գրավոր ծանուցում առ այն, որ դրամը ստացվել է և կարող է անմիջապես վճարվել, 3) այն բանի հաստատումը, որ ներկայացվել է հենց այն փաստաթուղթը, որը հարկավոր է:
Ճանապարհային չեկ (дорожный чек, traveler’s check, traveler’s cheque). վճարային փաստաթուղթ, ճանապարհորդի չեկ (վճարագիր), որը ճանապարհորդը վերցնում է իր երկրում և կարող է կանխիկացնել արտասահմանում: Ճանապարհային չեկն իրենից ներկայացնում է դրամական պարտավորություն` նշանակված գումարը վճարել չեկի տիրոջը, որի ստորագրության նմուշը դրվում է Ճանապարհային չեկի վրա դրա վաճառքի պահին: Վճարման ներկայացնելիս չկի տերը պետք է կրկին ստորագրի չելի վրա:
Ճեղքվածք (разрыв, gap). 1) ֆինանսական ռեսուրսների պակաս, օրինակ, արտաքին պարտքի սպասարկման համար պետության միջոցների անբավարարությունը, 2) ակտիվների և պարտավորությունների միջև ժամկետային խզումը, 3) բանկի ակտիվների և պարտավորությունների նոր գնահատականների միջև տարբերությունը, որը սովորաբար հաշվարկվում է արժեթղթերի ժամկետայնության մի քանի միջակայքերի համար: Դրական ճեղքվածքն առաջանում է այն ժամանակ, երբ կարճաժամկետ ակտիվները գերազանցում են կարճաժամկետ պարտավորությունները, իսկ բացասական ճեղքվածքը` հակառակ դեպքում, 4) շուկայում գործարքների բացակայության հետևանքով գների մեջ խզումը, ապրանքի գնի անսպասելի կտրուկ փոփոխությունը, որի դեպքում ընթացիկ օրվա նվազագույն գինը բարձր է նախորդ օրվա առավելագույն գնից (գների աճ) կամ ընթացիկ օրվա առավելագույն գինը ցածր է նախորդ օրվա նվազագույն գնից (գների անկում):
Ճեղքվածքի կառավարում (управление гэпом, гэп-менеджмент, gap management). 1) տոկոսադրույքների փոփոխության նկատմամբ զգայուն ակտիվների և պարտավորությունների որոշումը 2) ակտիվների և պարտավորությունների ժամկետայնության հսկումը` դրանց միջև ցանկալի հարաբերակցություն պահպանելու նպատակով: Բանկի ակտիվների ու պարտավորությունների ժամկետային կառուցվածքի որոշումը և գնահատումը իրացվելիության կառավարման կարևորագույն տարրերից է: Բանկերը պարտավոր են ճիշտ գնահատել իրացվելի միջոցների պահանջարկը և առաջարկը: Նրանք կարող են բախվել իրացվելի միջոցների նկատմամբ պահանջարկի բավարարման լուրջ հիմնախնդիր ունենալու դեպքում, թեկուզև ձևականորեն լինեն վճարունակ:
Ճեղքվածքի վերլուծություն (анализ гэпа, гэп-анализ, gap analysis). 1) տոկոսադրույքների նկատմամբ ակտիվների և պարտավորությունների զգայականության չափման հնարքը (տեխնիկան). 2) ներգրավված և տեղաբաշխված միջոցների՝ ժամկետային կառուցվածքի որոշումը, 3) որոշակի տեսակի ապրանքների նկատմամբ սպառողների կողմից ներկայացվող բոլոր հայտնի պահանջների և դրանք բավարարելու համար տվյալ ապրանքների որակական տվյալների աղյուսակային ներկայացման սխեմա: Այդպիսի սխեման բացահայտում է գոյություն ունեցող ցանկացած խզում, և, այդպիսով, ցույց է տալիս, թե ինչպիսի նոր արտադրանքներ կարող են բավարարել չիրացված պահանջները:
ՉԱՏ