Մուտք
Ուժեղ արժույթ (--- валюта, strong currency). այլ արժույթների համեմատ մեծ պահանջարկ ունեցող արժույթ:
Ուղղակի գնանշում (прямая котировка, direct quotation). արտարժույթի շուկայում սեփական (ազգային) արժույթի փոխարժեքը նշելու եղանակ, որի դեպքում արտարժույթի միավորի փոխարժեքն արտահայտվում է ազգային արժույթի որոշակի քանակով: Այլ կերպ ասած, ուղղակի գնանշումը միավոր արտարժույթն է՝ արտահայտված սեփական արժույթով: Ուղղակի գնանշումն ընդունված է բոլոր երկրների կողմից, բացի Անգլիայից:
Ուղղակի դեբետագրում (прямое дебетование, direct debits). միջոցների փոխանցման համակարգ, որի դեպքում մատակարարը գնորդի հետ կնքված համաձայնագրով կրեդիտագրում է իր բանկային հաշիվը և դեբետագրում գնորդի հաշիվը՝ մատակարարված ապրանքների ու ծառայությունների գումարի չափով: Հաշվետիրոջ կողմից բանկին տրվող մշտական հանձնարարականի ձև է, որը պարունակում է խնդրանք՝ իր չեկային հաշվից կանոնավոր կերպով հանել և դրանք վճարել երրորդ կողմին: Սակայն, ի տարբերություն սովորական մշտական հանձնարարականի, ուղղակի դեբետագրման ժամանակ նախապես չի սահմանվում վճարման ենթակա գումար: Հաշվի տերը վստահում է երրորդ կողմին, որպեսզի նա որոշի համապատասխան գումարները և պահանջի բանկի կողմից դրանց վճարում:
Ուղղակի ծախսեր (прямые расходы, direct ---). ծախսեր, որոնք անմիջականորեն կապված են արտադրանքի արտադրության, աշխատանքների կատարման և ծառայությունների մատուցման հետ և վերագրվում են արտադրանքի ինքնարժեքին: Ուղղակի ծախսերին են վերաբերում` աշխատավարձը, հումքի, նյութերի ծախսերը և այլն:
Ուղղակի ներդրումներ (прямые инвестиции, direct investments). կապիտալ ներդրումները իրական ակտիվներում (արտադրության մեջ) մեկ այլ երկրում: Ցույց են տալիս մի երկրի իրավաբանական և ֆիզիկական անձանց (ուղղակի ներդրող) կողմից իրականացված այն ներդրումները, որոնք նպատակ են հետապնդում մասնակցել մեկ այլ երկրի տնտեսվարող սուբյեկտի գործունեության կառավարմանը (ուղղակի ներդրումներով ձեռնարկություն): Որպես ուղղակի ներդրում են hամարվում ոչ միայն ուղղակի ներդրողի ձեռնարկության կապիտալում մանսակցության ձևով ներդումները, այլ նաև ուղղակի ներդրմամբ ձեռնարկությունում նրա կողմից իրականացված ցանկացած այլ ներդրումները: Որպես վերջինիս օրինակ կարող են ծառայել ուղղակի ներդրողի կողմից ուղղակի ներդրմամբ ձեռնարկությանը տրամադրվող վարկերը, որոնք նույնպես համարվում են ուղղակի ներդրում: Ուղղակի ներդրումները բաժանվում են արտասահմանում իրականացվող ներդրումների և ներքին տնեսության մեջ կատարվող ներդրումների:
Ուղղակի փոխատվություն (прямая ссуда, direct loan). 1) անմիջապես հաճախորդին տրված փոխատվությունը, որի համար նա դիմել է անձամբ կամ փոստային առաքմամբ: Ուղղակի փոխատվությունը տարբերվում է ՙվաճառքի պայմանագրից՚, որով հաճախորդին վարկ է տրամադրվում ապրանքը տարաժամկետ գնման պպայմաններով վաճառողի հետ համաձայնագիր կնքելու հետևանքով, 2) վարկ, որը տալու հիմք հանդիսանում է փոխառուի համբավը և ընդհանուր վճարունակությունը, և ոչ թե օրենքով նախատեսված ապահովման որևէ ձև:
Ուղղահայաց միավորում. մեկ ֆիրմայի սեփականությունը հանդիսացող ձեռնարկությունների խումբ, որոնք իրականացնում են միևնույն ապրանքի արտադրության տաբեր փուլեր:
Ունիվերսալ բանկ (универсальный банк, --- bank). բանկ, որն իրականացնում է (կամ կարող է իրականացնել) բոլոր կամ գրեթե բոլոր բանկային գործառնությունները՝ կարճաժամկետ և երկարաժամկետ վարկերի տրամադրում, տարբեր տեսակի ավանդների ներգրավում, արժեթղթերով, ֆակտորիգային, լիզինգային, հավատարմագրային և այլ գործառնություններ (բացառությամբ բանկնոտների թողարկման): Այստեղ ունիվերսալությունն ունի նաև այլ նշանակություն. դա ենթադրում է գործունության տեսակ, որը սահմանափակված չէ՝ ըստ տնտեսության ճյուղերի, սպասարկվող հաճախորդների կազմի, տարածաշրջանների և քանակապես: Ռիսկերի դիվերսիֆիկացիայի շնորհիվ ունիվերսալ բանկերն ավելի կայուն են, որը նրանց հնարավորություն է տալիս դուրս մղել մասնագիտացված բանկերին:
Ունցիա (унция, ounce) (լատ. uncia). 1) հռոմեական ֆունտի 1/12-ը (27, 166գ) և հռոմեական ստակ, որը հավասար է 1/12 ասսի, 2) տրոյական (ստակային) ունցիան (31,1035 գ) թանկարժեք մետաղների (ամենից առաջ ոսկու) կշռի չափման ժամանակակից հիմնական միավորն է:
ՉԱՏ