Մուտք
Ֆիզիկական անձ. քաղաքացի, մարդ, որը մասնակցում է տնտեսական գործունեությանը որպես այդ գործունեության լիիրավ անդամ: Ֆիզիկական անձ են համարվում տվյալ երկրի քաղաքացիները, արտասահմանցիները և քաղաքացիություն չունեցող անձինք, որոնք տնտեսության մեջ գործում են որպես ինքնուրույն սուբյեկտ, իրավունք ունեն անձամբ իրականացնելու որոշակի տնտեսական գործունեություն, կարգավորել տնտեսական հարաբերությունները այլ անձանց և կազմակերպությունների հետ, հարաբերությունների մեջ մտնել իրավաբանական անձանց հետ: Ֆիզիկական անձը գործում է սեփական անունից, կարիք չունի ֆիրմայի, ձեռնարկության ստեղծման, ինչն անհրաժեշտ է իրավաբանական անձանց համար:
Ֆիլիպսի կոր. կոր, որը ցույց է տալիս գործազրկության մակարդակի (աբսցիսների առանցք) և գների մակարդակի տարեկան աճի տեմպերի (օրդինատների առանցք) միջև գործող կապը:
Ֆինանսական համակարգի հաշտարար. Ֆինանսական համակարգի հաշտարարի գրասենյակն անկախ կառավարման համակարգով կառույց է, որի հիմնադիրն է ՀՀ կենտրոնական բանկը: Հաշտարարի գրասենյակը կոչված է լուծելու ֆիզիկական անձ սպառողների և ֆինանսական կազմակերպությունների միջև ծագած գույքային վեճերը: Հաշտարարի ծառայություններն անվճար են, իսկ բողոքի քննման գործընթացը պարզ է, արագ և թափանցիկ: Մանրամասները տես այստեղ:
Ֆիրմա. կազմակերպություն, որը շահույթ ստանալու նպատակով ռեսուրսներ է օգտագործում ապրանքների և ծառայությունների արտադրության համար, տնօրինում և կառավարում է մեկ կամ մի քանի ձեռնարկությունների:
Ֆյուչերսային գործարքներ. ապրանքների, տարադրամի և արժեթղթերի վաճառքի բորսային գործարքներ, որոնք կնքվում են նախապես, ապագայի համար` տվյալ պահին գործող գներով:
Ֆրիկցիոն գործազրկություն. գործազրկություն, որը կապված է աշխատանքի տեղի կամավոր փոփոխության և աշխատանքից ժամանակավորոպես ազատվելու հետ. մի աշխատանքից մի այլ աշխատանքի անցնելու ընթացքում առաջացած ժամանակավոր գործազրկություն:
"Ֆրիռայդերի" պրոբլեմ. ապրանքի կամ ծառայության օգտագործում՝ առանց դրանց դիմաց նախապես վճարելու, բացառման սկզբունքի կիրառման անհնարինություն, որը մասնավորի համար անշահավետ է դարձնում որոշ տնտեսապես ցանկալի և անբաժանելի ապրանքների ու ծառայությունների արտադրությամբ զբաղվելը:
Ֆունկցիոնալ ֆինանսավորում. գանձարանային քաղաքականության օգտագործումը ոչ ինֆլյացիոն ՀԱԱ-ի ապահովման համար լրիվ զբաղվածության պայմաններում՝ անկախ պետական պարտքի վրա՝ այդ քաղաքականության ազդեցությունից:
ՉԱՏ