Մուտք
Ցածր կարգի ապրանքներ. ապրանք կամ ծառայություն, որը սպառողը գնում է քիչ (շատ), երբ նրա եկամուտները ավելանում (պակասում) են:
Ցանկագրված արժեթղթեր (---ценные бумаги, listed securities). 1) բաժնետոմսեր, որոնք կարելի գնել կամ վաճառել արժեթղթերի բորսայում, 2) բաժնետոմսեր, որոնք առկան են արժեթղթերի բորսայի պաշտոնական ցանկում:
Ցիկլային գործազրկություն. ամբողջական ծախսերի անբավարարության պատճառով առաջացող գործազրկություն:
Ցիկլային կարգավորվող բյուջե. ապրանքների և ծառայությունների համար կատարված պետական ծախսերի հավասարությունը զուտ հարկային մուտքերի ծավալին տնտեսական ցիկլի սահմաններում. տնտեսական ակտիվության անկման փուլերում առաջացող բյուջեի դեֆիցիտը փոխհատուցվում է վերելքի փուլի բյուջետային ավելցուկով:
Ցպահանջ ավանդ (вклад до востребования, demand deposit). 1) ավանդ, որը ներդրվում է բանկում՝ առանց պահպանման ժամկետը նշելու: Բանկային համապատասխան (ցպահանջ) հաշվից ավանդատուն կարող է առանց նախնական ծանուցման կանխիկ դրամ ստանալ չեկով կամ ավտոմատ գանձապահի միջոցով կամ էլ այլ հաշվի փոխանցել վճարման հանձնարարականի միջոցով: Ավանդը վերադարձվում է ավանդատուին՝ նրա առաջին իսկ պահանջով: Ցպահանջ ավանդների դիմաց հաշվարկվում է համեմատաբար ցածր տոկոս, մի շարք դեպքերում տոկոս ընդհանրապես չի վճարվում, 2) բանկի չեկային հաշվում գտնվող միջոցները: Ավանդների այս տեսակն անվանում են նաև չեկային ավանդներ, քանի որ միջոցները կարող են հաշվից հանվել չեկերի առաջադրման միջոցով: Ցպահանջ ավանդները նախատեսված են գլխավորապես հաշվետիրոջ կողմից կատարվող ընթացիկ հաշվարկների իրականացման համար, տարբեր ձևերով. կանխիկ, չեկերով, փոխանցումով կամ մուրհակով: Համաձայն ՀՀ քաղաքացիական օրենսդրության, բանկը պարտավոր է տոկոս վճարի նաև ցպահանջ ավանդի դիմաց: Տե’ս նաև՝ ցպահանջ պարտավորություններ:
Ցպահանջ պարտավորություններ (обстаятельства до востребования, demand leabilities). բանկի թղթակցային, հաշվարկային հաշիվներում առկա միջոցները, որոնք ենթակա են վերադարձման հաճախորդի առաջին իսկ պահանջի դեպքում: Պարտավորությունների կառավարման տեսանկյունից գնահատելիս, ցպահանջ պարտավորությունները երկակի բնույթ ունեն: Ցպահանջ ներգրավված միջոցների դիմաց բանկը տոկոսներ չի վճարում կամ վճարում է շատ ցածր տոկոսադրույքով, այսինքն՝ դրանք բանկի համար միջոցների ներգրավման ամենաէժան աղբյուր են հանդիսանում և գերադասելի են բանկի համար: Մյուս կողմից, ցպահանջ պարտավորությունները կարող են ժամանակի ցանկացած պահին պահանջվել հաճախորդի կողմից և բանկը մշտապես պետք է պատրաստ լինի վճարել դրանք, այսինքն՝ բանկը ժամանակի ցանկացած պահին պետք է ապահովի իրացվելիության բավարար մակարդակ: Տե’ս նաև՝ ցպահանջ ավանդ:
Ցպահանջ վարկային գիծ (кредитная линия до востребования, demand line of credit). բանկի կողմից բացված վարկային գիծ, որը հաճախորդին թույլ է տալիս ստանալ վարկ մինչև որոշակի գումարը առաջին իսկ պահանջով:
ՉԱՏ