Երկուշաբթի, 22 Հոկտ 18, 02:41

Ձեր առջև դրված է ընտրություն կատարելու կարևորագույն խնդիրը՝ կամ դուք որոշում կընդունեք խաղալ ձեր հաջողության սիմֆոնիան, որում դուք դիրիժորը կլինեք, կամ էլ դուք կնախընտրեք ձեր հետ գերեզման տանել ձեր երաժշտությունը, որը փաստորեն գոյություն ունի ձեր հոգում, բայց որն այդպես էլ կմնա չխաղացված և որը ոչ ոք էլ չի լսի: Քոլին Թյորներ

Գլխավոր » Բլոգեր » Խորհուրդներ » 13 նշան, որ կյանքն անիմաստ եք վատնում
13 նշան, որ կյանքն անիմաստ եք վատնում
Խորհուրդներ | Բլոգգեր` ArmEco | 02 Մայ 14 12:02

13 նշան, որ կյանքն անիմաստ եք վատնում
Հոգեբան և դասախոս Քերոլ Մորգանն իր ընթերցողներին երկու հարց է տվել` ինչ էին երազում դառնալ երեխա ժամանակ և արդյոք դարձել են: Նրանց համար, ով չի հասել իր նպատակին, Քերոլն առանձնացրել է 13 կետ, որոնք խանգարել են այդ մարդկանց:

1. Չափազանց շատ ժամանակ եք վատնում այն բաների վրա, որոնք դրան չարժեն
Տեսախաղեր, հեռուստացույց, համացանց, շատ կերակուր, շատ ալկոհոլ. ցուցակը կարելի է շարունակել: Ավելի լուրջ վերաբերվեք կյանքին: Որտե՞ղ և ինչպե՞ս եք անցկացնում ձեր ժամանակի մեծ մասը: Դա ձեզ օգուտ տալի՞ս է: Դա ձեր կյանքն ավելի լավը դարձնու՞մ է: Եթե ոչ, ուրեմն անհրաժեշտ է վերանայել ձեր կենսակերպը և փոփոխություններ կատարել:

2. Շատ եք դժգոհում
Մարդիկ գիտեմ, որ մշտապես դժգոհ են իրենց կյանքից և մշտապես խոսում են այդ մասին: Դուք նրանցից մե՞կն եք: Բողոքու՞մ եք ձեր աշխատանքից, ձեր շեֆից, աշխատավարձից, հարևաններից կամ ամուսնուց: Եթե այդպես է, դրանով ոչինչ չեք փոխում, միայն ձեր շուրջը բացասական էներգիայով դաշտ եք ստեղծում: Բողոքները ձեզ փակուղի են տանում: Փորձեք խոսել այն մասին, թե ինչ եք սիրում, այլ ոչ այն մասին, թե ինչ ձեզ դուր չի գալիս, և արդյունքը միանգամից նկատելի կլինի:

3. Չեք սնում ձեր խելքը
Եթե չեք աճում և չեք զարգանում որպես անհատականություն, քարանում եք խաղաղ լճակի նման, որը, հոսանքի բացակայության պատճառով, պատվում է տիղմով: Դա տեղի է ունենում նաև ձեր խելքի հետ, եթե չեք պահպանում ակտիվությունը և նոր բաներ չեք ուսումնասիրում: Խնդիրները և փորձությունները միմիայն մարզում և կոփում են ձեր խելքը:

4. Բացասական ներքին երկխոսություն եք տանում
Ներքին երկխոսությունը կարող է ճակատագրական լինել ձեզ համար: Ինչպես ասել է Հենրի Ֆորդը. «Անկախ այն բանից` մտածում եք` կարող եք, թե չեք կարող, դուք ճիշտ եք»: եթե ինքներդ ձեզ ասում եք, որ բավարար չափով խելացի չեք առաջխաղացման կամ բիզնես սկսելու համար, ուրեմն ճիշտ եք: Եթե ասում եք, որ փոփոխությունների համար չափազանց հոգնած եք, ուրեմն ճիշտ է: Ինչ էլ, որ ինքներդ ձեզ ասեք, դառնում է ձեր ճշմարտությունը: Վերահսկեք ձեր մտքերը, և կյանքը կսկսի դրանց համապատասխանել:

5. Չեք ոգեշնչվում
Որևք բանի հանդեպ կիրք ունե՞ք: Շատ մարդկանց գիտեմ, ով կարծում են, թե կիրք չունեն: Բայց այդպես չի լինում: Պետք է որ լինի ինչ-որ մի բան, որ սիրում եք անել: Փորձեք բացահայտել ձեզ համար ինչ-որ իսկապես հետաքրքրող բան, և զբաղվել դրանով որքան հնարավոր է շատ:

6. Չեք ծրագրում ձեր ապագան
Իհարկե, հիանալի է ապրել «այս օրով», և «վայելել պահը», բայց երբեմն պետք է նայել առաջ, որպեսզի տեսնեք, թե որտեղ եք ուզում հասնել: Եթե նպատակ կամ ծրագիր չունեք, նմանվում եք մի նավակի, որ առանց որոշակի ուղղության պտտվում է օվկիանոսում` հուսալով մի լավ տեղ հայտնվել: Համաձայնեք, հիմարություն է դրան սպասելը: Ճիշտ անպես, ինչպես GPS-ն է ձեզ ուղեկցում նախանշված վայր, այդպես էլ կարիք ունեք սեփական ներքին GPS-ի, որ ձեզ կուղեկցի:

7. Չափազանց շատ ժամանակ եք անցկացնում ձեզանից ցածր մակարդակի մարդկանց հետ
Հեշտ է լճանալ` ընկնելով այն մարդկանց խելքին, ովքեր ձեզ ավելի լավը չեն դարձնում: Նրանց կողքին դուք միշտ մնալու եք նույն մակարդակին: Այդպիսի «ընկերներին» կարելի է «էներգետիկ վամպիրներ» կոչել: Նրանք ներծծում են ձեր կյանքը, և փոխարենը ոչ մի լավ բան չեն տալիս: Շրջապատեք ձեզ բարձր մարդկանցով, որպեսզի դուք էլ բարձրանաք:

8. Կախվածություն ունեք ձեր հեռախոսից
Իհարկե, ներկայիս հեռախոսները կարող են հիացնել ցանկացած մարդու: Սակայն մտածեք, թե որքան ժամանակ եք ծախսում սիրելի «խաղալիքի» վրա: Իսկ ո՞ր հարաբերությունները կարող են տուժել դրանից: Դուք ընտանիքի հետ ընթրելիս կախված եք լինում համացանցու՞մ: Ուրեմն կորցնում եք մտերմության թանկագին պահերը կամ այն ժամանակը, որ կարելի է հատկացնել ապագայի ծրագրմանը:

9. Գումարը ծախսում եք անպետք իրերի վրա
Տարբերություն կա «ինձ անհրաժեշտ է» և «ես ուզում եմ» բառերի միջև: Շատ մարդկանց գիտեմ, որ խրված են պարտքերի մեջ, սակայն ունեն վերջին մոդելների հեռախոսներ և համակարգիչներ: Բայց իրականում մեզ այնքան էլ շատ բան անհրաժեշտ չէ` սնունդ, ջուր, տանիք և կողքին սիրելի անձնավորություն: Մնացածն ուղղակի բոնուսներ են: Ուրեմն տեսեք, թե ինչի վրա եք ծախսում ձեր գումարը, և հետևություններ արեք:

10. Քիչ եք քնում
Քունը վճռորոշ դեր է կատարում առողջության համար: Եթե չափազանց զբաղված եք, որ բավական ժամանակ հատկացնեք քնին, կամ հիմար սովորույթ ունեք մինչև կես գիշերն անց ժամը 3-ը նստել, ուրեմն ժամանակն է փոխել ձեր կենսակերպը:

11. Հոգ չեք տանում ձեր մարմնին
Առողջության համար ոչ պակաս կարևոր է սնունդը և սպորտը: Հավասարակշռված դիետան և ֆիզիկական վարժությունները միայն մարմնի քաշի նվազմանը չեն միտված: Լավացնում են նաև ձեր հոգեկան վիճակը և ընդհանուր զգացողությունը: Սկսեք սննդակարգի և ակտիվության մակարդակի աննշան փոփոխություններից և կնկատեք, թե դա ինչպես է լավացնում ձեր կյանքի որակը:

12. Դուրս չեք գալիս հարմարավետության գոտուց
Գիտեմ, թե ինչ հեշտ է հարմարավետության գոտում ապրելը: Երբ ծանոթ ռեստորան եմ գնում, միշտ նույն ճաշատեսակն եմ պատվիրում: Ոչ թե այն բանի համար, որ նոր ճաշատեսակ չեմ ցանկանում համտեսել, այլ ուղղակի սիրում եմ այն կերակուրը, որը պատվիրում եմ: Բայց դա այն հարմարավետության գոտին չէ, որի մասին ասում եմ: Ես ասում եմ այն մասին, որ անհրաժեշտ է ռիսկի դիմել` ձեր կյանքը լավացնելու համար: Նաև նկատի ունեցեք, որ տարբերություն կա «ռիսկի» և «հաշվարկված ռիսկի» միջև: Ցանկացած ռիսկ հնարավորություն ունի մահացու լինելու, սակայն հաշվարկված ռիսկն այն է, որ վերլուծել եք բոլոր տարբերակները, և գտել լավագույնը:

13. Ապրում եք մի կյանքով, որ ձեզ դուր չի գալիս
Հաջողակությունը ես միշտ հաշվում եմ երջանկության մակարդակով: Դուք իսկապե՞ս երջանիկ եք: Եթե ոչ, ուրեմն ժամանակն է ինչ-որ բան փոխելու: Նույնիսկ բավարարվածության զգացումը չի խոսում այն մասին, որ լիարժեք կյանքով եք ապրում: Արեք հնարավորը, որպեսզի դարձնեք ձեր կյանքը գրավիչ, և որ այն ձեզ հաճույք պարգևի:

Եթե այս 13 կետերից գոնե մեկը ձեզ է վերաբերում, մի վհատվեք: Միշտ կարող եք փոփոխություններ կատարել: Սակայն առաջին բանը, որ պետք է անեք, այն է, որ պետք է ազատվեք գաղափարից, թե ոչինիչ չեք կարող փոխել: Ամենից հաճախ ամենամեծ խոչընդոտը ձեր սեփական մտածելակերպն է: Ուրեմն հենց դրանից էլ սկսեք: Փոխելով մտածելակերպը` փոխում եք կյանքը:

Աղբյուր՝ http://life.panorama.am/hy/news/2014/04/30/life-wasting...
 
view 4561 | date 5.0/1 | date օգտակար, անիմաստ կյանք, խորհուրդներ, կյանք

 

Հարգելի ընկերներ, խնդրում ենք մեկնաբանություն թողնելիս լինել մաքսիմալ կոռեկտ և խուսափել վիրավորական արտահայտություններից: Այլապես Ձեր մեկնաբանությունները կհեռացվեն կայքից:


Մեկնաբանություններ: 0
GRENQ HAYEREN ԳՐԵՆՔ ՀԱՅԵՐԵՆ` translit.am
Ավելացնել մեկնաբանություններ կարող են միայն գրանցված օգտվողները:
[ ԳՐԱՆՑՎԵԼ | ՄՈՒՏՔ ]
 

Տես նաև`

Կարող եք բաժանորդագրվել մեր հոդվածներին կամ հավանել մեր ֆեյսբուքյան էջը` facebook.com/ArmEco.am, և տեղեկանալ կայքի թարմացումներին:


 
Html հղումը
BB հղումը
Ուղիղ հղումը
 

 
Հղումներ

Diplom.am` Ռեֆ/Կուրս/Դիպլ և այլ գիտական աշխատանքներ

Կայքում արտահայտված կարծիքները պարտադիր չէ, որ համընկնեն կայքի խմբագրության տեսակետի հետ:
Կայքում ներկայացված նյութերի հեղինակային իրավունքը պատկանում է իրենց օրինական տերերին:
Կայքում զետեղված նյութերից օգտվելու դեպքում ակտիվ հղումը կայքին պարտադիր է:
Գովազդների բովանդակության համար կայքը պատասխանատվություն չի կրում:
2011 - 2015 © ArmEco.am · armeco.am@mail.ru
 
Яндекс.Метрика
Կայքի մասին · Կանոնները · Գործընկերներ · Մշակողներին · Գովազդ · ՀՏՀ · Կապ · Հոսթինգը` uCoz
ՉԱՏ
ՎԵՐ
ՌԱԴԻՈ
TV
փակել
ընդլայնել