Երեքշաբթի, 17 Հոկտ 17, 14:24

Մարդն ավելի շատ ապրում է այն ժամանակ, երբ ինչ-որ բան է փնտրում: Դոստոյեվսկի

Գլխավոր » Բլոգեր » Տոներ և օրեր » Նոր տարին տարբեր երկրներում
Նոր տարին տարբեր երկրներում
Տոներ և օրեր | Բլոգգեր` Hovhannes | 04 Դեկ 12 11:52

Նոր տարին տարբեր երկրներում
Նոր տարին այն եզակի տոնն է, երբ բոլոր մարդիկ առանց բացառության փորձում են հավատալ հրաշքների, ցանկություններ են պահում և նվերներ մատուցում...
 
Անգլիայում, բացի տոնածառից, տունը զարդարում են սպիտակ ծաղկեփնջերով:
 
Չեխոսլովակիայում Նոր տարվա գիշերը աղջիկները տնային մաշիկը գլխի վրայով գցում են դռան ուղղությամբ: Եթե մաշիկի ծայրն ընկնում է դեպի դուռը, այդ տարի կհայտնվի փեսացուն: Տոնական սեղանին պետք է լինի շոգեխաշած կաղամբ երշիկով, գետնածածան, սնկի արգանակ խաշխաշով ու մեղրով:
 
Ֆրանսիայում Նոր տարին իսկական "սպիտակ սիմֆոնիա" է, սեղանին` սպիտակ մոմակալներ, սպիտակ մոմեր, թաց մրգեր` շաղախված սպիտակ շաքարահյութով, սպիտակ գոգլի-մոգլի:
 
Իտալիայում նոր տարվա օրը աշխատում են մինչև ճաշ, ճաշից հետո զարդարում են տոնածառերը և պատրաստում նվերներ, որոնք հունվարի 7-ին բաժանում է ծեր կին Բեքինան: Հռոմում սեղանին պետք է լինի խորոված գառնուկ:
 
Լեհաստանում պետք է մատուցվի 13 ճաշատեսակ: Տոնական ընթրիքն սկսվում է ձկան ապուրով կամ սնկի արգանակով, ապա` կաղամբ սնկով, գետնածածան` քաղցր սուսով, վերջում կարկանդակ մրգահյութով, թարմ մրգերով:
 
Մեքսիկայում հյուրասենյակի կենտրոնում կախում են քաղցրավենիքով լի աման: Հյուրերը փակ աչքերով եթե կարողանան կոտրել ամանը, այդ տարի երջանիկ կլինեն:
 
Իրանում Նոր տարին սկսվում է մարտի վերջին` թնդանոթների և հրացանների համազարկերով, սեղաններին դրվում են ծլած հացահատիկ, ներկած ձվեր, սխտոր, քացախ:
 
Շոտլանդիայում հյուր գնացողներն իրենց հետ տանում են ածխի կտոր, որով ներկում են հատուկ վառարանը և տանտիրոջ կողմից ընդունվում են որպես բարեկամ:
 
Վիետնամում միմյանց դեղձենու ճյուղեր են նվիրում, նստում են խարույկների մոտ, զրուցում:
 
Բիրմայում Նոր տարվա օրը միմյանց վրա դույլերով ջուր են լցնում, չէ՞ որ շոգ է:
 
Գվինեայում փողոց են բերում փղեր, որոնք խորհրդանշում են հարստություն և հզորություն: Երթն ուղեկցվում է երգերով, պարերով, խաղերով:
 
Պորտուգալիայում սեղանին դնում են խաղող, ժամը 12-ին պոկում են 12 հատիկ և գալիք ամիսների համար ցանկություններ մտածում:
 
Կրետե կղզում տուն մտնող առաջին մարդն իր հետ բերում է քար, նստում վրան և բարեմաղթում. "Թող այս քարի մեծությամբ ոսկի մտնի այս տունը":
 
Քենիայում Ամանորը տոնում են ջրի մեջ: Այդ օրը լողանում են գետերում, լճերում, նավարկում են մակույկներով, երգում և ուրախանում:
 
Ցեյլոնում Նոր տարին նշվում է ապրիլին, բերքահավաքն ավարտելուց հետո: Ամենուրեք անջատվում է էլեկտրական լույսը, վառվում են ճրագները, տոնը տևում է երկու օր, կանգ է առնում տրանսպորտը:
 
Գանայում սեղանի զարդը աքլորի մսից պատրաստված ճաշն է:Գիշերը տներից ճիչ է լսվում, դրանով դուրս են վանում անցած տարվա վատը:
 
Պանամայում պատուհաններից ալյուր ու ջուր է թափվում:
 
Կոլումբիայում փողոցներում հայտնվում են մեծ տիկնիկներ, որոնք գուշակում են, թե ինչ է սպասվում եկող տարում: Երբ սկսվում է Նոր տարին, տիկնիկները պայթում են, բոլորը համբուրվում, երգում ու պարում են:
 
Հնդկաստանում Նոր տարին տոնվում է մի քանի անգամ. հյուսիսում նշվում է ապրիլին, հարավում` մարտին, Քերալա նահանգում` հունիսին, արևմուտքում` հոկտեմբերին: 5 օր առաջ կազմակերպվում են շքերթներ: Երիտասարդները Նոր տարվա օրը գնում են մեծերի մոտ, շնորհավորում, ստանում մաղթանքներ:
 
Սիրիայում Նոր տարվա նախօրյակին մի մեծ աքաղաղ բաժանում են 12 մասի, գիշերը թողնում դրսում և վաղ առավոտյան տարեցները դրանցով գուշակություններ են անում:
 
Ուելսում հին տարվա վերջին վայրկյանին դռները լայն բացում են և դուրս թողնում հին տարին: Ներս է մտնում Նոր տարին:
 
Եթովպիայում Նոր տարին դիմավորում են սեպտեմբերի կեսերին, երբ տոնում են բերքահավաքի ավարտը: Մեծ խարույկի շուրջը կազմակերպվում են շքերթեր, խաղեր, պարեր:
 
Սուդանում Ամանորի խորհրդանիշը կանաչ ընկույզն է: Այն գտնելու ցանկությունը համարվում է Ամանորի ամենալավ մաղթանքը:
 
Հունաստանում Նոր տարին նշվում է հունվարի 8-ին: Այդ օրը "իշխանության" գլուխ են անցնում կանայք, տղամարդիկ զբաղվում են խոհանոցով, երեխաների խնամքով, իսկ կանայք օրն անցկացնում են սրճարաններում` մի գավաթ գինու շուրջ:
 
Ճապոնիայում դեկտեմբերի 31-ին, զանգերի 108 ղողանջով ազդարարվում է Ամանորը: Վերջին զանգից հետո շտապում են քնել, արթնանում են վաղ առավոտյան, խոնարհվում ծագող արևին և սկսում տոնախմբությունները: Կերակրացանկը հիմնականում կազմված է մակարոնից, որը խորհրդանշում է երկարակեցություն, բրնձով թխվածքաբլիթ, որը լիության խորհրդանիշն է:
 
Էկվադորում հնամաշ հագուստից պատրաստում են ծղոտով լցված անցած տարվա խրտվիկլակ, բերանին՝ ծխամորճ, ձեռքին՝ ձեռնափայտ և դնում են տան առաջ: Կեսգիշերին սկսում են կարդալ "Անցած տարվա կտակը", որում թվյարկում են ընտանիքի հոգսերը, որոնցից կուզենային ազատվել: Կտակը մտցնում են խրտվիլակի ծոցն ու վառում: Հին տարին կորչում է բոցերի մեջ:
 
Ֆիջի արշիպելագի 320 կղզիներից 160-ում Նոր տարին դիմավորում են ամենից շուտ:
 
Գիտելիքների շտեմարան, Ալբերտ Փարսադանյան

Աղբյուր՝ ArmEco.am · նյութի մասնակի կամ ամբողջական արտատպումն առանց ArmEco.am-ին հղման արգելվում է
 
view 6045 | date 4.8/5 | date հետաքրքիր, նոր տարի, ԱՄԱՆՈՐ

 

Հարգելի ընկերներ, խնդրում ենք մեկնաբանություն թողնելիս լինել մաքսիմալ կոռեկտ և խուսափել վիրավորական արտահայտություններից: Այլապես Ձեր մեկնաբանությունները կհեռացվեն կայքից:


Մեկնաբանություններ: 0
GRENQ HAYEREN ԳՐԵՆՔ ՀԱՅԵՐԵՆ` translit.am
Ավելացնել մեկնաբանություններ կարող են միայն գրանցված օգտվողները:
[ ԳՐԱՆՑՎԵԼ | ՄՈՒՏՔ ]
 

Տես նաև`

Կարող եք բաժանորդագրվել մեր հոդվածներին կամ հավանել մեր ֆեյսբուքյան էջը` facebook.com/ArmEco.am, և տեղեկանալ կայքի թարմացումներին:


 
Html հղումը
BB հղումը
Ուղիղ հղումը
 

 
Հղումներ

Diplom.am` Ռեֆ/Կուրս/Դիպլ և այլ գիտական աշխատանքներ

Կայքում արտահայտված կարծիքները պարտադիր չէ, որ համընկնեն կայքի խմբագրության տեսակետի հետ:
Կայքում ներկայացված նյութերի հեղինակային իրավունքը պատկանում է իրենց օրինական տերերին:
Կայքում զետեղված նյութերից օգտվելու դեպքում ակտիվ հղումը կայքին պարտադիր է:
Գովազդների բովանդակության համար կայքը պատասխանատվություն չի կրում:
2011 - 2015 © ArmEco.am · armeco.am@mail.ru
 
Яндекс.Метрика
Կայքի մասին · Կանոնները · Գործընկերներ · Մշակողներին · Գովազդ · ՀՏՀ · Կապ · Հոսթինգը` uCoz
ՉԱՏ
ՎԵՐ
ՌԱԴԻՈ
TV
փակել
ընդլայնել