Շեֆֆիլդի համալսարանի ուսանողները ստացել են իդեալական տոնածառի բանաձևը: 20-ամյա ապագա մաթեմատիկոսներ Նիկոլ Ռայթեմը և Ալեքս Քրեյգը ուսումնասիրություն են անցկացրել տոնածառի ճիշտ զարդարման թեմայով, որը նրանց պատվիրել էր բրիտանական հանրախանութների ցանցը:
Սկսնակ մաթեմատիկոսների հաշվարկների համաձայն, տոնածառը պետք է զարդարել 37 գնդերով, իսկ գագաթը զարդարել աստղով կամ հրեշտակով, որի չափերը չպետք է գերազանցեն տոնածառի բարձրության մեկ տասներորդը: Ուսումնասիրության հեղինակները պնդում են, որ տոնածառի փայլաշղթայի իդեալական երկարությունը 920 սմ է:
Տոնածառի լույսերի շղթայի անհրաժեշտ երկարությունը հաշվարկելու համար անհրաժեշտ է ծառի բարձրությունը սանտիմետրերով բազմապատկել պի-ով (3,14): Օրինակ` 183 սմ բարձրություն ունեցող տոնածառի համար անհրաժեշտ է 574 սմ երկարության լույսե շղթաներ:
Ռայթեմը և Քրեյգը հայտնել են, որ բանաձևի մշակման համար անհրաժեշտ է եղել երկու ժամ: Ուսանողները հույս են հայտնել, որ իրենց հաշվարկները պետք կգան տոնածառ գնելիս: