Սուրբ Ծնունդը նույն ձևով չի տոնվում աշխարհի տարբեր մասերում, օրինակ, ասենք, Ստոկհոլմում, Մեքսիկայում կամ Աթենքում: Տարբեր են նաև պատրաստվող ճաշերն ու աղցանները:
Իսպանացիները Սուրբ Ծննդյան գիշերն ուտում են ավանդական նուշով ապուր, սխտորով և կիտրոնով համեմված ձուկ, հնդկահավ, նուշով ու մեղրով նուգա:
ԱՄՆ-ում Սուրբ Ծննդյան գիշերն անպայման պատրաստում են չոր մրգերով լցոնված ավանդական հնդկահավ: Իբրև անուշեղեն պատրաստում են դդումի տորթ, կարկանդակներ և այլ աղցաններ:
Իտալացիները պատրաստում են ավանդական հնդկահավ և "պանետտոն" կոչված չամիչով կարկանդակ:
Բրազիլացիները շատ են սիրում առատ կերուխում, հատկապես տոնական օրերին: Սուրբ Ծննդյան տոնին նրանք պատրաստում են իրենց նշանավոր ֆարոֆան` ալյուրով, ձվով, սխտորով և ձիթապտղով, կարամելով խոզապուխտ կամ հնդկահավ ու զանազան ազգային քաղցրավենիքներ:
Հունաստանում պատրաստում են հնդկահավ, որը մատուցում են գետնախնձորի և ընկույզով հացի հետ: Դարչինով, մեղրով և առատ յուղով ու կարագով պատրաստված խմորեղենները զարդարում են հույների սեղանը:
Ավստրալիայում Սուրբ Ծննդյան տոնին պատրաստում են հնդկահավ, որն ուտում են սառը վիճակում, ծովային մթերքներից պատրաստում են տարբեր աղցաններ և հանդեսն ավարտվում է ավանդական պուդինգով:
Ֆրանսիացիները պատրաստում են շագանակով հնդկահավ, ծովային մթերքներով հագեցած աղցաններ, կաղանդի բուրգեր: Նրանք հատկապես շատ են խմում գինիներ և ուտում նուրբ քաղցրավենիքներ:
Մուտք
6336
| 
ՉԱՏ