Սան Ֆրանցիսկոյի գիտահետազոտական ինստիտուտներից մեկի գիտաշխատողներ Քրիստոֆեր Թայլերը և Լեոնիդ Կոնցևիչը վստահ են, որ Լեոնարդո դա Վինչիի գլուխգործոցի գաղտնիքը հենց մեր` մարդկանց մեջ է: "Մոնա Լիզայի ժպիտը ոչ մի բան չի արտահայտում",- պնդում են նրանք: Նրանք, ովքեր տեսել են Ջոկոնդայի ժպիտը ու գնահատել այն, դարձել են տեսողական խաբկանքի զոհեր: Գաղտնիքը մեր ընկալման հոգեբանության և տեսողական համակարգի անկատարության մեջ է: Լեոնարդոն կարողացել է Ջոկոնդային "տալ" այնպիսի ժպիտ, որին երկար նայելիս, դիտողի մոտ առաջանում է հակասական զգացմունքներ: