Տունն ու տոնածառը զարդարելիս չարժե ընդօրինակել ուրիշներին. տունը հարկավոր է զարդարել ոչ թե չոր կանոններով, այլ զգացմունքներով ու երևակայությամբ: Եվ որքան հեռուն է ձգվում ձեր երևակայությունը, այնքան յուրօրինակ ու անկրկնելի է դառնում ձեր տոնական զարդարանքը:

Ջրային օձի տարին դիմավորելիս ամենանախընտրելին ընտանեկան հարմարավետ մթնոլորտն է: Օձի տիեզերական տարրը, ըստ արևելյան հորոսկոպի, կրակն է: Ուստի, տանը բոցկլտացող բուխարին կամ վառվող մոմերը կլինեն լավագույն զարդարանքը: Երկար, ձևավոր մոմերն` իրենց մոմակալներով, շատ տեղին են հենց այս առիթի համար: Կարող եք ընտրել ոլորուն մոմեր, որոնք գալարվող օձերի տեսք կունենան:

Տոնածառը զարդարեք փայլփլուն խաղալիքներով և արծաթագույն փաթիլներով: Կայծկլտացող գունավոր լույսերը պետք է եղևնու գագաթից օձագալար իջնեն մինչև ներքևի ճյուղերը: Տանը կարելի է տեղադրել ապակյա արձանիկներ, կարող եք օձի տեսքով նկարներ պատրաստել և փակցնել պատերին ու պատուհաններին: