Եթե Ամանորի գիշերն ինչ-որ բան գտնեք, ողջ տարին անսպասելի նվերներ կստանաք:

 

Ում բաժին հասնի շշի մեջ եղած շամպայնի վերջին կաթիլները, նոր տարում նա մեծ հաջողություններ կունենա:

 

Եթե ձեր տուն պատահաբար անծանոթ է հյուր եկել, ընդունեք նրան ձեր ընկերախումբ և նոր տարում երջանկությունը ձեզ կայցելի: Ասում են` Ձմեռ Պապն այդկերպ ստուգում է մեր մարդասսիրությունը: Եթե այդպես լինի, ուրեմն կյանքում հաճելի փոփոխությունների սպասեք:

 

Ափսեի կամ ոչ խոր թասի մեջ ջուր են լցնում և այն դնում դուրսը, տան շեմին` այնտեղ թողնելով Ամանորի ողջ գիշերը: Առավոտյան գուշակում են. եթե սառույցը սուր-սուր փշեր ունի, բարի տարի է լինելու, հավասար սառույցը` հանգիստ տարի է կանխագուշակում, իսկ եթե ջուրն ալիքաձև է սառել, կլինի և վիշտ, և ուրախություն, փոս ընկած սառույցն այնքան էլ լավ տարի չի գուշակում:

 

Ամանորյա գիշերը փոքրիկ թղթերի վրա գրեք ձեր ամենաբաղձալի ցանկությունները, ծալեք դրանք և դրեք բարձի տակ: Հունվարի 1-ին արթնանալով, բարձի տակից վերցրեք առաջին իսկ թուղթը` ըստ ցանկության: Թղթում որ ցանկությունը լինի, այն էլ գալիք տարում կիրականանա:

 

Ամանորյա գիշերը (ժամը 12-ին) ինչ-որ ցանկություն պահեք մտքում և մտովի կենտրոնացեք դրա վրա: Եթե նոր տարում ձեզ առաջին զանգահարողը տղամարդ լինի, ձեր ցանկությունը կկատարվի, եթե կին լինի` չի կատարվի:

 

Չեխիայում Ամանորի գիշերը խնձորը կտրում են լայնքով, և եթե խնձորի մեջ կորիզը աստղիկի տեսք ունենա, ուրեմն գալիք տարին երջանիկ կլինի:

 

Մոմով և փրփրագինիով: Շամպայնի տասնութերորդ բաժակը պարպելուց, հայելու մոտ մոմ դնելուց և լույսը մարելուց հետո` ակնապիշ նայեք հայելու արտացոլանքին: Եթե ձեզ ոչինչ տեսնել այդպես էլ չհաջողվի, փորձեք վառել մոմը: Հայելում դուք դեմք կտեսնեք: Որքան էլ դժվար, բայց փորձեք ամեն դեպքում կռահել` թե ում դեմքն է և ինչ է դիմատիրոջ անունը: Եթե, ի վերջո, երրորդ փորձից այնուամենայնիվ դա ձեզ հաջողվի, աշխատեք գուշակության բուն իմաստին հաղորդակից լինելու նկատառումներով` փորձը կրկնել շամպայնի մեկ այլ շիշ "ցամաքեցնելուց" հետո…

 

Ոսկրով: Ամանորը դիմավորելուց և ձեզ այցելած հյուրերին ճանապարհելուց հետո, ափսեների պարունակությունը մի դատարկեք: Ուշադիր զննեք, թե որ ափսեում են ոսկորներն ավելի շատ: Կռահեք, թե հյուրերից ով էր այդ տեղում նստել: Դրանից հետո արդեն այդ մարդու"չար ոտքը" ձեր շեմից կտրեք…Կտրեք ընդհանրապես: Գուշակության այս ձևը ձեզ կօգնի, որ ուշ սննկանաք…

 

Մազերով: Դեկտեմբերի 31-ի կամ հունվարի 1-ի գիշերը` հարմար, գեղեցիկ տարայի մեջ ջուր լցրեք, ավելացրեք մի պտղունց մոխիր, աղ ու շաքարավազ: Ձեր մազերից մի 3-4 հատ ոլորեք, նույնքան էլ սիրելիի կամ ամուսնու մազերից: Առավոտյան նայեք մազերի դիրքին. եթե միացել են` միասին եք լինելու, եթե առանձնացել են` ապա դուք էլ իրարից հեռու կլինեք:

 

Մազերով (կանանց համար): Նոր տարվա առաջին իսկ օրը վերցրեք ձեր ամուսնու կոստյումը: Մանրազնին ուսումնասիրեք այն: Երկար մազ գտնելուն պես` փորձեք կռահել, թե ումը կարող է լինել այն: Եթե այդ մազը ձերն է, ուրեմն` բարեբախտություն է: Եթե պարզվի, որ այն ձեր ամուսնու կին ղեկավարինն է, ուրեմն` ձեր ամուսնու "բլից" կարիերան ապահովված է: Եթե պարզվի, որ մազը ձեր ամուսնունն է, ապա նրան անհապաղ վարսավիրանոց ուղարկեք :))