Ուրբաթ, 29 Մարտ 24, 10:27
094 91 93 23
095 91 95 25

Կյանքում և բիզնեսում գոյություն ունեն 2 սխալներ` առաջինը` գործել չմտածված. Երկրորդը` ընդհանրապես ոչ մի բան չձեռնարկել: Կ. Այկեն

Գլխավոր » Հոդվածներ » Տնտեսագիտություն  

Կապիտալի արժեքը /cost of capital/
Տնտեսագիտություն | Հեղինակ` Սոնյա Սարգսյան ArmEco | 18 Փետր 12 11:59

Ցանկացած կազմակերպություն իր գործունեության ֆինանսավորման համար կարիք ունի կապիտալի ներգրավման, և այս կամ այն ֆինանսավորման աղբյուրի ներգրավումը կապված է ծախսերի հետ: Օրինակ` բաժնետերերին անհրաժեշտ է վճարել շահաբաժիններ, բանկերին` տոկոս տրամադրված վարկի դիմաց և այլն: Այսինքն, ամեն դեպքում պետք է վճարել կապիտալի օգտագործման համար, և այդ վճարի չափ հանդիսանում է կապիտալի արժեքը /cost of capital/, որն արտահայտվում է որևէ բիզնեսի մեջ ներդրված կապիտալի գումարի նկատմամբ տոկոսի կամ մասնաբաժնի տեսքով /այլ կերպ` դրամական միջոցների ընդհանուր մեծությունը, որն անհրաժեշտ է վճարել որոշակի ծավալի դրամական ռեսուրսների ներգրավման համար` արտահայտված տոկոսներով այդ ծավալի նկատմամբ/: Սովորաբար համարվում է, որ կապիտալի արժեքը այլընտրանքային արժեքն է, այլ կերպ` եկամուտը, որը ներդրողները ակնկալում են ստանալ կապիտալի ներդրման այլընտրանքային հնարավորություններից ռիսկի անփոփոխ մեծության դեպքում:

Կազմակերպությունների միջոցների գոյացման աղբյուրների կառուցվածքը էականորեն տարբերվում է և կախված է կազմակերպության կազմակերպաիրավական տեսակից, ինչպես նաև ձեռնարկատիրական գործունության ոլորտից /օրինակ` բանկային վարկեր, պարտատոմսեր, հասարակ և արտոնյալ բաժնետոմսեր, չբաշխված շահույթ/: Բացի այդ միջոցների գոյացման աղբյուրներից յուրաքանչյուն ունի իր գինը, հենց այդ պատճառով էլ կապիտալի գինը որոշվում է միջին կշռված թվաբանական բանաձևով: Կանխատեսելով կապիտալի մոտավոր արժեքը` կարելի է իրականացնել կազմակերպության ակտիվներում ներդրված միջոցների արդյունավետության համեմատական վերլուծություն` ներառելով նաև ներդրումային ծրագրերի գնահատականը: Որպես կապիտալի արժեքի գնահատման գումարային մեծության կիրառում հանդես է գալիս կապիտալի արժեքի միջին կշռված մեծությունը` WACC (Weighted Average Cost of Capital): WACC-ն ներկայացնում է շահույթի նվազագույն նորմա, որը սպասում են ներդրողներն իրենց կատարած ներդրումների դիմաց: Իրականացման ընտրված ծրագրերն այս սկզբունքի համաձայն` պետք է ապահովեն WACC-ից ոչ ցածր շահութաբերություն: Գործնականում WACC-ն հաշվարկվում է որպես տարբեր աղբյուրներից` բաժնետիրական կապիտալ, փոխառություններ, բանկային վարկ, կրեդիտորական պարտավորություն, չբաշխված շահույթ, միջոցների ներգրավման անհատական արժեքների միջին կշռված մեծություն.
որտեղ`  - i-րդ աղբյուրի գինն է (%),
 - i-րդ աղբյուրի տեսակարար կշիռն է աընդհանուր ծավալի մեջ` միավորի հաշվով, n - աղբյուրների քանակն է (i=1,2,…,n):

WACC-ի բնութագրումը տարաբնույթ է և ենթադրում է բազմաքանակ հաշվարկների իրականացում: Գործնականում կարող է կիրառվել էքսպրես մեթոդը, որի դեպքում WACC-ի տակ ընդունում են բանկային տոկոսի միջին դրույքը: Այդպիսի մոտեցումը տրամաբանական է, քանի որ ներդրումային տարբերակի ընտրության դեպքում ներդումների սպասվող շահութաբերությունը պետք է բարձր լինի վարկի տոկոսի միջին դրույքից:

Կապիտալի արժեքով չափվում է կազմակերպության շուկայական գնի մակարդակը: Մասնավորապես` կապիտալի արժեքի նվազումը հանգեցնում է կազմակերպության շուկայական գնի աճի, և հակառակը` կապիտալի արժեքի աճը կհանգեցնի կազմակերպության շուկայական գնի նվազման: Հատկապես այդ կապը բավական արտահայտիչ է բաժնետիրական ընկերության գործունեության դեպում, որի բաժնետոմսերի արժեքը ֆոնդային շուկայում պարբերաբար բարձրանում է կամ նվազում, ինչն էլ ազդում է ընկերության կապիտալի արժեքի վրա: Հետևաբար` կապիտալի արժեքի կառավարումը համարվում է կազմակերպության շուկայական գնի բարձրացման անհրաժեշտ պայման:
view 13125 | date 4.9/25 | date կապիտալի արժեք, տնտեսագիտություն, կապիտալ

 

Հարգելի ընկերներ, խնդրում ենք մեկնաբանություն թողնելիս լինել մաքսիմալ կոռեկտ և խուսափել վիրավորական արտահայտություններից: Այլապես Ձեր մեկնաբանությունները կհեռացվեն կայքից:


Մեկնաբանություններ: 0
GRENQ HAYEREN ԳՐԵՆՔ ՀԱՅԵՐԵՆ` translit.am
Ավելացնել մեկնաբանություններ կարող են միայն գրանցված օգտվողները:
[ ԳՐԱՆՑՎԵԼ | ՄՈՒՏՔ ]
 

Տես նաև`

Կարող եք բաժանորդագրվել մեր հոդվածներին կամ հավանել մեր ֆեյսբուքյան էջը` facebook.com/ArmEco.am, և տեղեկանալ կայքի թարմացումներին:


 
Html հղումը
BB հղումը
Ուղիղ հղումը
 

 
Հղումներ

Diplom.am` Ռեֆ/Կուրս/Դիպլ և այլ գիտական աշխատանքներ

Կայքում արտահայտված կարծիքները պարտադիր չէ, որ համընկնեն կայքի խմբագրության տեսակետի հետ:
Կայքում ներկայացված նյութերի հեղինակային իրավունքը պատկանում է իրենց օրինական տերերին:
Կայքում զետեղված նյութերից օգտվելու դեպքում ակտիվ հղումը կայքին պարտադիր է:
Գովազդների բովանդակության համար կայքը պատասխանատվություն չի կրում:
2011 - 2015 © ArmEco.am · armeco.am@mail.ru
 
Яндекс.Метрика
Կայքի մասին · Կանոնները · Գործընկերներ · Մշակողներին · Գովազդ · ՀՏՀ · Կապ · Հոսթինգը` uCoz
ՉԱՏ
ՎԵՐ
ՌԱԴԻՈ
TV
փակել
ընդլայնել