Բրիտանական ոչ առևտրային Legatim Institute կազմակերպությունը հրապարակել է ամենաբարեկեցիկ երկրների ամենամյա վարկանիշային աղյուսակը՝ Prosperity Index 2013: Լոնդոնի փորձագետները ամեն տարի ներկայացնում են նման ցուցակ՝ 2009 թվականից ի վեր: Գնահատման համար վերցնում են տնտեսական ցուցանիշները (ՀՆԱ, բնակչության եկամուտները), ինչպես նաև ոչ այդքան ճշգրիտ տվյալներ (օրինակ՝ բավարարվածությունը կյանքով):
Բոլոր 89 չափորոշիչները բաժանում են 8 խմների՝ տնտեսություն, բիզնես և հնարավորություններ, կառավարում, կրթություն, առողջապահություն, անվտանգություն, անձնական ազատությունների, սոցիալական կապիտալ: Օգտագործելով տվյալների 12 տարբեր աղբյուրներ, այդ թվում նաև Gallup-ի հարցումները, վերլուծաբվանները գնահատում են 142 երկրներին, յուրաքանչյուր չափորո՛իչը՝ 0-110 միավորով, իսկ հետո պատրաստում են համեմատական ռեյթինգ:
Ձեզ եմ ներկայացնում ըստ այդ վարկանիշային աղյուսակի 10 ամենաբարեկեցիկ երկրները:
Այս սկանդինավյան երկրում կյանքը աննախադեպ կայուն է. Prosperity Index-ի գոյության 5 տարիների ընթացքում սա միակ երկիրն է, որ ոչ մի անգամ չի իջեցրել իր հորիզոնականը և արդեն 5 տարի շարունակ նորվեգացիները զբաղեցնում են առաջին տեղը:
2009 թվականից այս երկիրը անդադար բարելավում է իր դիրքերն աղղյուսակում՝ գրավելով ավելի ու ավելի բարձր հորիզոնականներ: Ըստ աղյուսակը կազմող փորձագետների, Շվեյցարիայի երջանիկ կենսակերպի գրավականը ընտրության ազատությունն ու էթնիկ փոքրամասնությունների ու միգրանտների նկատմամբ տոլերանտ վերաբերմունքն է:
3. Կանադա Լավագույն ցուցանիշը. անձնական ազատություններ (1-ին տեղ) Վատագույն ցուցանիշը: բիզնես և հնարավորություններ (16-րդ տեղ) Շնչին հասնող ՀՆԱ: $42 533,4 Կյանքից բավարարվածության աստիճանը: 7,4՝ 10-ից
2009 թվականից ի վեր Կանադան բարելավել է իր դիրքը՝ բարձրանալով երեք հորիզոնականով: Այս երկրում փորձագետներն առանձնացնում են ազատությունների բարձր սանդղակն ու միգրանտների նկատմամբ բարյացակամ վերաբերմունքը, իսկ տնտեսական կայունությունը բացատրվում է շատ փոքր բնակչություն ունենալու պարագայում՝ հսկայական բնական ռեսուրսների տիրապետելով:
4. Շվեդիա Լավագույն ցուցանիշը. բիզնես և հնարավորություններ (1-ին տեղ) Վատագույն ցուցանիշը: կրթություն (14-րդ տեղ) Շնչին հասնող ՀՆԱ: $43 180,2 Կյանքից բավարարվածության աստիճանը: 7,6՝ 10-ից
Շվեդիան ևս 3 հորիզոնականով բարելավել է իր դիրքերը վերջին 5 տարիների ընթացքում: Շվեդիայի ամենագովելի կողմերից մեկն էլ անվտանգության խնդիրն է, որովհետև այս երկրում տարեցտարի նվազում են հանցագործությունները:
5. Նոր Զելանդիա Լավագույն ցուցանիշը. կրթություն (1-ին տեղ) Վատագույն ցուցանիշը:առողջապահություն (20-րդ տեղ) Շնչին հասնող ՀՆԱ: $32 219,5 Կյանքից բավարարվածության աստիճանը: 7՝ 10-ից
Նոր Զելանդիան պարբերաբար ընդգրկվում է տարբեր «Ամենաերջանիք» ռեյթինգներում և այս մեկը բացառություն չէ այդ առումով: Սակայն 2009 թվականից ի վեր, երկիրը նահանջել է 3 հորիզոնականով և այժմ զբաղեցնում ե 5-րդ հորիզոնականը, ինչը մեծապես պայմանավորված է անվտանգության ցուցանիշի անկումով, որը հետևանք է միգրանտների քանակի աճի:
Համեմատած 2009 թվականի հետ, այս սկանդինավյան երկիրը զիջել է 4 հորիզոնականով, ինչը պայմանավորված է տնտեսության անկումով. գործազրկության աճ, կրեդիտային խնդիրներ, ֆինանսական ինստիտուտների հուսալիության անկում:
Համեմատած 2009 թվականի հետ, Ավստրալիան զիջել է 2 հորիզոնականով: Հատկապես հետընթաց է գրանցվել անվտանգության ոլորտում, ինչը պայմանավորված է միգրանտների հոսքի մեծացումով և դեմոգրաֆիական խնդիրներով:
Ֆինլանդիիան ևս կկորցրել է 2 հորիզոնական՝ 2009 թվականի հետ համեմատած: Հատկապես կտրուկ են իջել տնտեսական ցուցանիշները՝ 16-ից մինչև 26-րդ հորիզոնական և այժմ երկիրը լուրջ խնդիրներ ունի գործազրկության ու ֆինանսական ինստիտուտների վստահելիության հետ:
Հոլանդացիները աննշան են բարելավել իրենց դիրքերը՝ 5 տարվա մեջ վեր բարձրանալով ընդամենը 2 հորիզոնականով: Դա պայմանավորված է նրանով, որ միանգամից 7 հորիզոնականով բարձրաացել է առողջապահության մակարդակը:
Լյուքսեմբուրգն այս տարի բարձրացել է մեկ հորիզոնականով՝ համեմատած այլ տարիների, չնայած նրան, որ տնտեսության ցուցանիշով այն կորցրել է 4 հորիզոնական՝ 10-րդ տեղից անցնելով 14-րդ հորիզոնական: Բացի դրանից, խնդրահարույց է նաև այն, որ տարեցտարի նվազում են օտարերկրյա ներդրումները:
Մուտք
5631
| 
ՉԱՏ