Apple ապրանքանիշը աշխարհի 500 ամենաթանկարժեք արտադրանքների ամենամյա վարկանիշում առաջին հորիզոնական է զբաղեցրել: Վարկանիշը կազմել է Brand Finance Canada խորհրդատվական ընկերությունը: Apple բրենդը 87,3 մլրդ է գնահատվում:

Ցուցակում Apple-ին հաջորդում են Samsung –ը՝ 58,7 մլրդ դոլարով, Google –ը՝ 52,1 միլիարդով, Microsoft –ը՝ 45,5 միլիարդով, Wal-Mart Stores սուպերմարկետների ցանցը՝ 42,3 միլիարդով, IBM –ը՝ 37,7 միլիարդով, General Electric -ը 37,2 միլիարդով, համացանցային Amazon խանութը՝ 36,8 միլիարդով, Coca-Cola –ն՝ 34,2 միլիարդով եւ ամերիկյան հեռահաղորդակցային հսկա Verizon –ը՝ 30,7 միլիարդով:

Ռուսական ներկայացուցիչներից ցուցակի 63-րդ տեղում «Սբերբանկ»-ն է՝ 14,1 բրենդային արժեքով, 122-րդ տեղում «Գազպրոմ»-ն է՝ 8,3 մլրդ դոլարով, գրում է «Վզգլյադը»:

Brand Finance ընկերությունը կազմել է նաեւ աշխարհի ամենաթանկարժեք բանկային բրենդների վարկանիշը, որոնցից առաջատարը Wells Fargo-ն է՝ 26 մլրդ դոլար բրենդային արժեքով: «Սբերբանկ»-ը 13-րդ տեղում է աշխարհի ամենաթանկարժեք բանկային բրենդների ընդհանուր ցուցակում: