Ազատության արձանը, որը վեր է բարձրանում Նյու-Յորքի Ազատության կղզում, Ֆրանսիայի ժողովրդի նվերն է Ամերիկայի Միացյալ Նահանգների ժողովրդին Ամերիկայի Անկախության 100-ամյակի առթիվ: Այն տեղադրվել է 1886 թվականի ամռանը: Արձանի ձախ ձեռքում եղած գրքի վրա գրված է Անկախության հռչակագրի ընդունման օրը` 1776, հուլիսի 4: Արձանի բարձրությունը մինչև ջահը 46 մետր է, ջահը պատվանդանից բարձրանում է մինչև 93 մետր: Արձանի գլուխը վզից մինչև թագի ճառագայթները 8,5 մետր է, շրջանագիծը` 15 մետր: Արձանը հավաքված է պղնձե թերթիկներից` ամրացված պողպատե կմախքի վրա և կշռում է 200 տոննայից ավելի: Ազատության ջահը լուսավորվում է կապարե 600 ապակիների միջոցով` 19 հսկայական լամպերով, 13 հազար վատտ հզորությամբ: Թագն ունի 23 պատուհան, որոնցից յուրաքանչյուրը կարող են դուրս նայել միաժամանակ 30 մարդ: Երկու զուգահեռ աստիճանները ձգվում են ստորոտից մինչև գագաթ: Նրանցից մեկով բարձրանում, մյուսով իջնում են: Ազատության արձանը վեր է բարձրացել 20 տարում: Նրա ստեղծման գաղափարը պատկանում է ֆրանսիացի պատմաբան Էդուարդ դե Լաբուլյեին, քանդակագործն է ֆրանսիացի Ֆրեդերիկ Բերտոլդը (1834-1904): Ֆրանսիայում պատրաստված հսկայական մասերը Ամերիկացի տեղափոխվեցին 210 արկղերով: Բացումը տեղի ունեցավ 1886 թվականի հոկտեմբերի 28-ին: Ֆրանսիայում ապրող ամերիկացիները իրենց միջոցներով կառուցեցին Ազատության արձանի 7 մետրանոց պատճենը, որը տեղադրվեց Էյֆելյան աշտարակից ոչ հեռու` Միրաբո կամրջի կողքին: