"Չկա գեղեցկություն` առանց ծաղիկների, չկա ժամադրություն` առանց ծաղկեփնջի,- ասում են ֆրանսիացիները և տարակուսած շարունակում. - բայց, Աստված իմ, ի՞նչ ընտրել այս անգամ` վա՞րդ, շուշա՞ն, թե՞ քրիզանթեմ":
... բոլոր տղամարդկանց խորհուրդ է տրվում իրենց սիրելիների համար ծաղիկ ընտրելիս հաշվի առնել կնոջ խառնվածքը, նրա նախասիրություններն ու ճաշակը և ձգտել գոհացնել նրան: Չէ որ լավ սկիզբը գործի կեսն է:
Ռոմանտիկ անձնավորությանը հարկ է նվիրել վարդագույն և մանուշակագույն երանգներ ունեցող ծաղկեփնջեր: Նման ծաղկեփնջի համար նրանք կընտրեն տան ամենալավ ծաղկամանը:
Նրբազգաց և քնքուշ էակներին մեծ հուզմունք կպատճառեն դեղին և կարմիր վարդակակաչներն ու սպիտակ մեխակները: Ստանալով այսպիսի ծաղկեփնջեր` նրբիկներն իրենց շատ շոյված կզգան:
Պերճաշուք և գործարար կանաց, որոնք նախընտրում են խիստ անպաճույճ ոճը, շատ կուրախացնի սպիտակ խոլորձը (օրխիդեան): Չէ որ դա աշխարհի ամենապերճաշուք ծաղիկն է:
Գործնական ոճի աղջիկները նախընտրում են խեցամանի մեջ տեղադրված ծաղիկներ: Դրանք ավելի երկար կյանք ունեն և առանձնակի խնամք չեն պահանջում:
Ամենասիրելի էակին, իհարկե, նախընտրելի է վարդեր նվիրել: Դրանով դուք կխոստովանեք, թե նա ինչ թանկ է ձեզ համար: Այս ծաղկեփունջը ձեր սիրո վկայությունն է:
Մուտք
8081
| 
ՉԱՏ