Մետրոպոլիտենի առաջին հերթն սկսեց գործել 1981 թվականի մարտի 7-ին Բարեկամություն, Մարշալ Բաղրամյան, Երիտասարդական, Հանրապետության Հրապարակ, Սասունցի Դավիթ կայարաններով: 1984 թվականին շահագործման հանձնվեց Գործարանային կայարանը, 1986-ին` Շենգավիթը, 1987-ին` Գարեգին նժդեհը, 1989-ին` Զորավար Անդրանիկը: Մետրոպոլիտենի սրահների երկարությունը 105մ է և նախատեսված է 5 վագոնի համար:
Մետրոպոլիտենի կայարանները
Բարեկամություն (ճարտարապետ Ֆ. Դարբինյան)
Մարշալ Բաղրամյան (ճարտարապետ Ս. Կնդեղցյան, Ա. Զուրաբյան)
Երիտասարդական (ճարտարապետ Ա. Քյուրքչյան)
Հանրապետության Հրապարակ (ճարտարապետ Ջ. Թորոսյան)
Զորավար Անդրանիկ (ճարտարապետ Ռ. Ջուլհակյան)
Սասունցի Դավիթ (ճարտարապետ Բ. Արզումանյան, Ս. Ներսիսյան)
Գործարանային (ճարտարապետ Ա. Իսրայելյան)
Շենգավիթ (ճարտարապետ Ռ. Ջուլհակյան)
Գարեգին Նժդեհի Հրապարակ (ճարտարապետ Ս. Բուրխաջյան)
Չարբախ (ճարտարապետ Ս. Բուրխաջյան)
Թվեր և փաստեր
1981-ի դրությամբ տարեկան 14 միլլիոն մարդ էր օգտվում մետրոյից, 1987 թ. այդ թիվն արդեն հասնում էր 31 միլլիոնի (ինչը համապատասխանում էր բոլոր տրանսպորտային միջոցների 9 %-ին): 2001-ին այդ թիվը կազմում էր 15,5 միլիոն երթևեկող: 2008-ին մետրոն 18 միլիոն ուղևոր է տեղափոխել, 2009-ին՝ 25 միլիոն։ Ներկայում (2010 թ.) մետրոյից օրական օգտվում է 50-ից 60 հազար մարդ։
Մետրոյի ուղիների ընդհանուր երկարությունը 13,4 կմ է, գործում է 10 կայարան։
Աղբյուր՝ ArmEco.am · նյութի մասնակի կամ ամբողջական արտատպումն առանց ArmEco.am-ին հղման արգելվում է
Մուտք
6046
| 
ՉԱՏ