Նախկինում էթիկայի կանոնները պահանջում էին, որ կինը պետք է գտնվի տղամարդու աջ կողմում, քանի որ վերջինս ձախ ձեռքով սուրն էր բռնում: Բայց ասյօր ամեն տեսակի կտրող գործիքների բացակայությունը նոր կանոն է թելադրում. տղամարդը պետք է համեմատաբար վտանգավոր կողմով քայլի, օրինակ` մայթի եզրով, գետի ափին ավելի մոտ և այլն:

Հովանոցը բռնում է տղամարդը: Եթե ձեր հասակների մեջ շատ մեծ տարբերություն կա, պետք չէ լռելյայն կուլ տալ վրադ թափվող անձևի կաթիլները. վերցրու հովանոցը նրա ձեռքից և ինքդ բռնիր: Իսկ նա թող իր հետ երկրորդ հովանոց վերցնի կամ պարզապես առանց դրա յոլա գնա:

Մի՛ մոռացիր, որ իսկապես քաղաքավարի մարդը հետևում է նունիսկ մանրուքներին. փողոցով քայլելիս առջևից եկող մարդը պետք է ձեր ձախ կողքով անցնի, իսկ եթե ուզում եք առաջ անցնել դիմացից գնացող մարդուց, անպայման դա արեք նրա ձախ կողքով:

Տուն կամ սենյակ մտնելիս տղամարդը առջևից է գնում միայն բացառիկ դեպքերում` ներքնահարկ իջնելիս, որևէ վտանգավոր սանդուղքով բարձրանալիս և այլն: Նույն ձևով տղամարդն առաջինն է մտնում վերելակ, բայց այնտեղից դուրս է գալիս միայն կնոջից հետո: