Հինգշաբթի, 19 Հոկտ 17, 08:40

Ամեն առավոտ ես արթնանում և ասում եմ ինձ. «Ես կարող եմ լինել լավ տրամադրությամբ կամ վատ տրամադրությամբ: Ես ընտրում եմ լավ տրամադրությունը»: Խարվի Մաքայ

Գլխավոր » Հոդվածներ » Մենեջմենթ, կառավարում  

Ցուցանիշների հաշվեկշռված համակարգը որպես ռազմավարության իրականացման և կառավարման արդյունավետության բարձացման գործիք ՀՀ-ում
Մենեջմենթ, կառավարում | Հեղինակ` Սոնյա Սարգսյան - W ADMIN-S | 05 Մայ 11 14:53

Արդի պայմաններում կազմակերպության գործունեության արդյունավետության ավանդական գնահատումը` հիմնված միայն հաշվապահական հաշվառման արդյունքում ստացված ֆինանսական ցուցանիշների վրա, բավական "ծերացել է” և թույլ չի տալիս կատարել կազմակերպության զարգացման հստակ կանխատեսում: Այս առումով առաջ եկավ կազմակերպության ողջ գործունեության արդյունավետության գլոբալ գնահատման նոր, առավել կատարյալ ու արդյունավետ միջոցների անհրաժեշտություն: Ռազմավարական կառավարման արդիական մոտեցումները ստիպում են ուշադրություն դարձնել ոչ ֆինանսական այնպիսի ոլորտների վրա, ինչպիսիք են անձնակազմը, բիզնես գործընթացները, ինովացիան, սպառողների հետ հարաբերությունները և այլն: Հետևապես անհրաժեշտ է ստեղծել կառավարման այնպիսի մոդել, որից կշահեն թե հաճախորդները, թե կազմակերպությունը` իրականացնելով աշխատակիցների որակավորման բարձրացում, մարդկանց ու կազմակերպությունների միջև գիտելիքների փոխանակություն, նոր տեխնոլոգիաների մշակում և կիրառում, հաճախորդների ներգրավման քաղաքականություն և այլն: Այսինքն, ռազմավարության մշակման և գնահատման ժամանակ ֆինանսական ու ոչ ֆինանսական ցուցանիշները պետք է դիտարկվեն որպես փոխադարձ լրացնող: Տվյալ մեթոդոլոգիան Balanced Scorecard /BSC/ կամ ցուցանիշների հաշվեկշռված համակարգ /ՑՀՀ/ անվանմամբ ձևակերպվեց 1990 թվականին Հարվարդի համալսարանի պրոֆեսորներ Դեվիդ Նորտոնի և Ռոբերտ Կապլանի կողմից իրականացրած հետազոտությունների արդյունքների հիման վրա, որի նպատակը կազմակերպությունների գործունեության արյունավետության բարձրացմանն ուղղված կառավարման նոր մեթոդների հայտնաբերումն է: Մշակումների առաջին հրապարակումն արժանացավ բարձր գնահատականի` համարվելով ամենանշանակալի ներդրումը կառավարման պրակտիկայի մեջ վերջին 75 տարիների ընթացքում: Ընդհանուր առմամբ BSC-ն իրենից ներկայացնում է ընկերության ռազմավարական կառավարման համակարգ, որը ձևավորվում է ընկերության գործունեությունը արտացոլող նախորոք ընտրված ցուցանիշների հավաքածուի արդյունավետության գնահատման միջոցով: Սկզբնապես ներմուծվելով որպես գործունեության արդյունավետության գնահատման գործիք` այսօր այն վերածվել է համապարփակ կառավարման համակարգի: Հիմնական սկզբունքը, որը հանդիսանում է կառավարման այս համակարգի բարձր արդյունավետության պատճառ, հետևյալն է. "Կառավարել կարելի է այն ամենը, ինչ կարելի է չափել": Վերջինս ընկերության ռազմավարության իրագործման հարթակ է ստեղծում` միմյանց հետ կապակցելով ընկերության առջև դրված երկարաժամկետ ռազմավարական նպատակներն ու ընկերության առօրյա ընթացիկ գործունեությունը: Ընդ որում, պետք է նշել, որ ռազմավարության արդյունավետության գնահատման մեջ ոչ ֆինանսական ցուցանիշների կարևորության շեշտադրումը նոր մոտեցում է, ինչը հնարավորություն կտա սեփականատերերին իրականացնել նաև ընկերության արժեքի մեծացման գործընթացների կառավարում: Համաձայն հեղինակների հարցադրման, BSC-ն հնարավորություն կտա իրականացնել կազմակերպության գործունեության արդյունավետության գնահատում չորս կարևոր ուղություններով, որոնք արտացոլում են կազմակերպության ռազմավարության ու դինամիկ զարգացման ընդհանուր պատկերը՝ 
  1. ֆինանսներ (սեփականատերերի շահերի բավարարման մակարդակի գնահատում), 
  2. սպառողներ/շուկա (հաճախորդների պահանջմունքների բավարարման մակարդակի գնահատում),
  3. ներքին բիզնես գործընթացներ (մշակված ռազմավարության շնորհիվ ծրագրավորվող բիզնես գործընթացների արդյունավետության ապահովում), 
  4. ուսուցում/աճ (ռազմավարության իրականացման համար արհեստավարժ անձնակազմի ընտրություն, նրանց մոտիվացման արդյունավետության գնահատում): 
Աշխարհում լայնորեն տարածված կառավարման այս համակարգը դեռևս նոր է Հայաստանում և հայրենական կազմակերպություններում չի վայելում լայն մասսայականություն: Սակայն պետք է ընդգծել, որ հայրենական կազմակերպություններում կառավարման որակի բարելավման համար հարկ է կիրառել ցուցանիշների հաշվեկշռված համակարգը` չմոռանալով, իհարկե, համակարգի կամ այսպես կոչված տեխնոլոգիայի տեղայնացման մասին: BSC-ի կիրառումը հայրենական ընկերություններին կառավարչական որոշումներ ընդունելիս ներքին արդյունավետության բարձրացման լրացուցիչ հնարավորություններ կընձեռի` օժտելով մրցակցային առավելություններով:

view 7216 | comments 2 | date 4.7/27 | date ցուցանիշների հաշվեկշռված համակարգ, ռազմավարություն, կառավարչական հաշվառում, BSC, մենեջմենթ, կառավարում, ՑՀՀ

 

Հարգելի ընկերներ, խնդրում ենք մեկնաբանություն թողնելիս լինել մաքսիմալ կոռեկտ և խուսափել վիրավորական արտահայտություններից: Այլապես Ձեր մեկնաբանությունները կհեռացվեն կայքից:


Մեկնաբանություններ: 2
GRENQ HAYEREN ԳՐԵՆՔ ՀԱՅԵՐԵՆ` translit.am
+1   Spam
№ 2| Ani | 26 Հուլ 11 14:13
good applause

+3   Spam
№ 1| Aram | 07 Մայ 11 11:24
Հետաքրքիր էր, եթե հնարավոր է այս թեմայով հոդվածներ կամ նյութեր զետեղվեն կայքում

Ավելացնել մեկնաբանություններ կարող են միայն գրանցված օգտվողները:
[ ԳՐԱՆՑՎԵԼ | ՄՈՒՏՔ ]
 

Տես նաև`

Կարող եք բաժանորդագրվել մեր հոդվածներին կամ հավանել մեր ֆեյսբուքյան էջը` facebook.com/ArmEco.am, և տեղեկանալ կայքի թարմացումներին:


 
Html հղումը
BB հղումը
Ուղիղ հղումը
 

 
Հղումներ

Diplom.am` Ռեֆ/Կուրս/Դիպլ և այլ գիտական աշխատանքներ

Կայքում արտահայտված կարծիքները պարտադիր չէ, որ համընկնեն կայքի խմբագրության տեսակետի հետ:
Կայքում ներկայացված նյութերի հեղինակային իրավունքը պատկանում է իրենց օրինական տերերին:
Կայքում զետեղված նյութերից օգտվելու դեպքում ակտիվ հղումը կայքին պարտադիր է:
Գովազդների բովանդակության համար կայքը պատասխանատվություն չի կրում:
2011 - 2015 © ArmEco.am · armeco.am@mail.ru
 
Яндекс.Метрика
Կայքի մասին · Կանոնները · Գործընկերներ · Մշակողներին · Գովազդ · ՀՏՀ · Կապ · Հոսթինգը` uCoz
ՉԱՏ
ՎԵՐ
ՌԱԴԻՈ
TV
փակել
ընդլայնել