Ցուցանիշների հաշվեկշռված համակարգը որպես ռազմավարության իրականացման և կառավարման արդյունավետության բարձացման գործիք ՀՀ-ում - մաս 2 - Մենեջմենթ, կառավարում - Հոդվածներ

Գլխավոր » Հոդվածներ » Մենեջմենթ, կառավարում

Ցուցանիշների հաշվեկշռված համակարգը որպես ռազմավարության իրականացման և կառավարման արդյունավետության բարձացման գործիք ՀՀ-ում - մաս 2

Մենեջմենթ, կառավարում | Հեղինակ` Սոնյա Սարգսյան ADMIN-S | 21 Մայ 11 16:25

Աշխարհում լայնորեն տարածված կառավարման այս համակարգը դեռևս նոր է Հայաստանում և հայրենական կազմակերպություններում չի վայելում լայն մասսայականություն: Սակայն պետք է ընդգծել, որ հայրենական կազմակերպություններում կառավարման որակի բարելավման համար հարկ է կիրառել ցուցանիշների հաշվեկշռված համակարգը` չմոռանալով, իհարկե, համակարգի կամ այսպես կոչված տեխնոլոգիայի տեղայնացման մասին: BSC-ի կիրառումը հայրենական ընկերություններին կառավարչական որոշումներ ընդունելիս ներքին արդյունավետության բարձրացման լրացուցիչ հնարավորություններ կընձեռի` օժտելով մրցակցային առավելություններով: Ի հավելումն նշվածի, պետք է ավելացնել, որ կան բազմաթիվ խնդիրներ, որոնք խանգարում են ՀՀ կազմակերպությունների կառավարման միջավայրում Balanced Scorecard համակարգի ձևավորմանը, մասնավորապես.

կազմակերպություններում կառավարման ցածր որակ և համակարգային խնդիրներ`

- վարչակազմը չունի համախմբող և իր հետևից տանող ուժեղ առանջորդ,

- առկա է կազմակերպության գործունեության հետ կապված հանգուցային հարցերի վերաբերյալ վարչակամի անդամների անբավարար տեղեկացվածություն,

- կազմակերպության և շուկայի մասին օբյեկտիվ տեղեկատվության անբավարարություն,

- վարչակազմում ձևավորված հարաբերությունները չեն խթանում նրա անդամներին փոխադարձ օգնություն ցուցաբերել միմյանց,

- գոյություն ունեն վարչակազմի անդամների շահերի տարբերություններ և վերջնական նպատակի տարբեր ընկալումներ,

- գործողությունների ընդհանուր ու միասնական ծրագրի բացակայություն,

- ղեկավարության դրած նպատակներին հասնելու գործում անձնակազմի մոտիվացիայի բացակայությունը,

- աշխատողների կողմից միջոցառումների, առաջադրված խնդիրների էության չհասկացվածությունը,

- ղեկավարությունը աշխատողներին ժամանակին չի ներկայացնում մշակված միջոցառումների վերաբերյալ այն տեղեկատվությունը, որը նրանց հետաքրքրում է առաջին հերթին, այսինքն ղեկավարության և աշխատողների միջև տեղեկատվության արդյունավետ փոխանակումը շատ կարևոր է, որպեսզի աշխատողներին մատուցվող տեղեկատվությունը լինի հասկանալի և անհրաժեշտության դեպքում մի քանի անգամ կրկնվի` լավագույնս այն յուրացնելու համար,

- փոփոխված պայմաններում կառավարման առկա մոդելից հրաժարվելու` ղեկավարների մեծ մասի պատրաստ չլինելու հանգամանքը.

BSC համակարգի վերաբերյալ պատկերացման և գիտելիքի բացակայությունը,
համակարգի ներդրման գործընթացում ռազմավարական խորհրդատվության, գործընթացների կազմակերպման և ուղղորդման միջոցով օժանդակող խորհրդատվական ընկերությունների կամ որակավորված մասնագետների բացակայությունը,
ֆինանսական միջոցների անբավարար մակարդակը:

Վերոհիշյալ խնդիրների լուծման հարցում իրենց դերակատարումը կարող են ունենալ պետական ու մասնավոր ինստիտուտները, այլ կրթական հաստատությունները, գործարարության զարգացման ծառայություններ մատուցող խորհրդատվական ընկերությունները և այլն, որոնց կողմից իրականացվելիք նպատակային ծրագրերը պետք է առաջնահերթ ուղղվեն.

մասնագետների պատրաստմանը և Հայաստանում BSC համակարգի կիրառման հետ կապված հետազոտությունների ու մշակումների իրականացմանը, գործունեության տարբեր ոլորտներում համակարգի կիրառման հնարավորությունների բացահայտմանը,
Balanced Scorecard համակարգի արդյունավետության գնահատմանը և կազմակերպություններում ներդրման շահադրդմանը` ցույց տալով այն օգուտները, որոնք կարող են ստանալ մեր ընկերությունները համակարգի ներդրման արդյունքում:

8116 |

5.0/21 |

ցուցանիշների հաշվեկշռված համակարգ, ռազմավարություն, կառավարչական հաշվառում, BSC, ՑՀՀ, կառավարում, մենեջմենթ

Հարգելի ընկերներ, խնդրում ենք մեկնաբանություն թողնելիս լինել մաքսիմալ կոռեկտ և խուսափել վիրավորական արտահայտություններից: Այլապես Ձեր մեկնաբանությունները կհեռացվեն կայքից: