Բեննի Լյուիսը վեց լեզու գիտի՝ ֆրանսերեն, իսպաներեն, անգլերեն, գերմաներեն, բրազիլական պորտուգալերեն և էսպերանտո: Նա հրատարակել է «Սահուն լեզու երեք ամսում. ինչպես յուրաքանչյուր տարիքում սովորել խոսել ցանկացած լեզվով» գիրքը: Հեղինակը կարծում է, որ ճիշտ մոտեցման և բավականաչափ պրակտիկայի դեպքում յուրաքանչյուրը կկարողանա երեք ամսում օտար լեզու սովորել:
Բեննիի գլխավոր խորհուրդը կատարելության ձգտումից հրաժարվելն է: Բացի այդ, մենք լեզուն փորձում ենք վերածել դպրոցական առարկայի: Տարբեր ծրագրեր ենք ներբեռնում, քերականության դասեր ենք անցնում, բազմաթիվ բառեր ենք անգիր սովորում: Արդյունքում մենք փորձելով ամեն կերպ սահուն խոսել, այդպես էլ չենք հասնում մեր նպատակին:
1. Հենց առաջին օրվանից
Սկսնակները չպետք է վախենան բառերի սխալ արտասանությունից, ամենակարևորն այն է, որ նրանք սովորում են օտար լեզվով միանգամից բարձրաձայն խոսել:
2. Սկզբում սովորեք օգտակար արտահայտություններ
Սկսնակները սկզբում պետք է սովորեն ամենահասարակ արտահայտությունները, օրինակ՝ «bathroom where?» (անգլ. «որտե՞ղ է լոգասենյակը»), որոնք կօգնեն նրանց առօրյա խոսակցության մեջ: Պերճախոս չէ, բայց հասկանալի է:
3. Մոռացեք քերականական խիստ կանոնները սովորելու մասին
Սկզբնական փուլում կարևոր է լրացնել խոսակցական պաշարը և սովորել հիմնական արտահայտությունները: Քերականության ճշգրտության մասին պետք չէ անհանգստանալ: Դուք դեռ կհասցնեք սովորել այն:
4. Շփվեք լեզվակիրների հետ, օրինակ՝ Skype-ի միջոցով
Բեննիի կարծիքով, մեր օրերում լեզու սովորելու լավագույն տարբերակը համացանցն է՝ հիմնականում Skype-ի պես վիդեո-չատերը:
5. Ռադիո լսեք
Ռադիոն ևս մեկ միջոց է Ձեզ հարկավոր լեզվային միջավայր ներխուժելու համար: Լսեք տվյալ երկրի ռադիոհաղորդումները: Բեննին խորհուրդ է տալիս այցելել TuneIn՝ աշխարհի բոլոր անկյունների ռադիոհաղորդումների առցանց պահոց:
6. Պատմեք Ձեր մասին
Սկսնակների համար Բեննիի ամենասիրելի խորհուրդներից մեկը հետևյալն է. Ձեր մասին հարազատ լեզվով գրեք մի փոքր պատմվածք և օտար լեզվի լեզվակրի հետ աշխատեք նրա թարգմանության վրա: Այդ միջոցը Ձեզ կարող է օգնել արագորեն սովորել և հիշել բազմաթիվ օգտակար բառեր և արտահայտություններ:
7. Մի գրվեք խմբակային դասընթացների
Բեննին կտրականապես խորհուրդ չի տալիս գրվել ընդհանուր դասընթացների, քանի որ դրանք ունեն չափազանց ընդհանուր ծրագիր: Նրա խոսքերով, ուսուցման սկզբնական փուլում փոխադարձ շփումը օտար լեզվակրի հետ շատ ավելի օգտակար է:
8. Փոխարենն օգտվեք համացանցում առկա ծրագրերից
Բեննիի ամենասիրելի կայքերից մեկը Duolingo-ն է կամ Italiki-ն: Italiki-ն սկսնակին կապում է օտար լեզվի լեզվակրի հետ:
9. Պատրաստ եղեք երկար ժամանակ ծախսել պրակտիկայի վրա
Բեննին կարծում է, որ օտար լեզվի ուսուցման համար ամբողջ օրը ծախսող մարդիկ մի քանի ամսում միայն կարող են հասնել B2 մակարդակի: Իսկ եթե այդքան ժամանակ չունեք, ապա պարապեք օրը մի քանի ժամ: Կարևորը արդյունավետ աշխատանք կատարելն է:
10. Մի ձգտեք կատարելության
Մարդիկ այնքան հաճախ են ձգտում խոսել սահուն և կատարյալ օտար լեզվով, բայց երբ դա նրանց մոտ չի ստացվում, նրանք հուսալքվում են և ընդհանրապես դադարեցնում են ուսուցումը: Լավագույն միջոցն այդ խնդրից ձերբազատվելու համար ուղղակի հումորով վերաբերվելն է Ձեր սեփական սխալներին, և մի փորձեք կատարյալ լինել:
Մուտք
18007
| 
ՉԱՏ