Երբ մենք ժպտում ենք, աշխարհը ներկվում է նոր և վառ գույներով: Չնայած եղանակին, բազմաթիվ խնդիրներին և անհաջողություններին` երբեք մի մոռացեք ժպտալ: Խոստովանեք, որ հաճելի է շրջապատված լինել դրական մարդկանցով, հատկապես` հասարակական վայրերում: Ծիծաղը զգալի ազդեցություն է ունենում օրգանիզմի վրա: Առաջին հերթին այն ազատում է մեզ դեպրեսիայից: Ժպտալով` շարժվում են դեմքի մկանները, որոնք ազդում են նյարդային ազդակների վրա: Մեկ րոպեանոց ժպիտը համարժեք է 30 րոպեանոց թուլացնող մերսմանը: Ծիծաղի կարևոր դրական հատկություններից ևս մեկն այն է, որ ուժեղացնում է օրգանիզմի իմունային համակարգը: Երբ մարդը ծիծաղում է, արյան մեջ ավելանում են երջանկության հորմոնները, որոնք օգնում են օրգանիզմին պայքարել հիվանդությունների դեմ:
Ներկայումս աշխարհի տարբեր մասերում կան հատուկ կլինիկաներ, որոնք բուժում են ծիծաղը: Սակայն կարելի է բուժվել ինքնուրույն: Շփվեք ուրախ մարդկանց հետ, ուրախացեք կյանքով, մի կաշկանդվեք ազատ ծիծաղելուց, եթե անգամ կողքից դա թվա տարօրինակ: Անցեք կյանքը ժպալով:
Մուտք
5698
| 
ՉԱՏ