Ինչպես պնդում են սոցիոլոգները, ողջ աշխարհում բարձրագույն կրթությամբ բազմաթիվ երիտասարդ գեղեցկուհիներ տառապում են միայնությունից այն դեպքում, երբ ոչ այնքան արտահայտված գեղեցկությամբ կանայք վայելում են իրենց ընտանեկան անդորրը սիրելիի հետ ողջ կյանքում: Այնպես որ, եթե մտածում եք' «ինչպե՞ս նա ինձնից գնաց այդ կոկորդիլոսի մոտ», հարկ կա Ձեզ բացատրելու, որ տղամարդկանց միայն գեղեցկությունը չի անհանգստացնում: Հակառակ սեռին մեզնից բոլորովին այլ բան է պետք: Փորձենք հասկանալ, թե ինչ են նրանք սպասում իդեալական կնոջից:

 

1. Տարբեր եղեք: Նրան անսպառ ուրախություն կպատճառի կյանքը մի կնոջ հետ, ում երբեք չի կարողանա կանխատեսել: Ամեն օր փոխվեք: Եղեք մե'րթ ուժեղ, մե'րթ թույլ: Կոնտրաստ մտցրեք Ձեր կյանք:

 

2. Անկախ եղեք սիրելիից թե' ֆինանսական, թե' հոգեբանական առումով: Աշխատանք ունեցեք, սիրելի հոբբիով զբաղվեք, մի կախվեք նրա վզից' շարունակ հարցնելով՝ սիրում է Ձեզ, թե' ոչ:

 

3. Նպատակներ դրեք Ձեր առաջ, որ կապ չունեն կողակցի հետ: Օրինակ՝, այցելեք անգլերենի դասընթացների և յուրացրեք այդ լեզուն: Տղամարդիկ սիրում են ինքնուրույն ու նպատակասլաց կանանց:

 

4. Նրա համար հաճախակի համեղ բաներ պատրաստեք: Մի մոռացեք հին խոսքը, թե տղամարդկանց սրտի ճանապարհն անցնում է ստամոքսով:

 

5. Նրա համար անկրկնելի սիրուհի դարձեք: Մի վախեցեք օրիգինալ լինել անկողնում: Հիացրեք նրան, արեք ամեն ինչ, որ նա անգամ ուժ չունենա ուրիշ մեկի հետ ևս ժամանակ անցկացնելու:

 

6. Գովեք սիրելիին: Հարազատների կամ անծանոթների մոտ ասեք, որ նա լավագույնն է: Նա միշտ ցանկանում է զգալ Ձեր օժանդակությունը:

 

7. Եվ վերջում' մի կաղապարվեք «Իսկ եթե հանկարծ նա լքի ինձ» մտքով: Թուլացեք ու վայելեք կյանքը: