Ձեր առջև դրված է ընտրություն կատարելու կարևորագույն խնդիրը՝ կամ դուք որոշում կընդունեք խաղալ ձեր հաջողության սիմֆոնիան, որում դուք դիրիժորը կլինեք, կամ էլ դուք կնախընտրեք ձեր հետ գերեզման տանել ձեր երաժշտությունը, որը փաստորեն գոյություն ունի ձեր հոգում, բայց որն այդպես էլ կմնա չխաղացված և որը ոչ ոք էլ չի լսի: Քոլին Թյորներ
Ամանորին արդեն հաշված օրեր / ժամեր են մնացել, և շատ կարևոր է հիշել այն գործերի մասին, որոնք հարկավոր է անել մինչ այդ:
1. Մարել ունեցած պարտքերը և վերցնել գումարները պարտատերերից.
Պարտքերով նոր տարին սկսելն այնքան էլ ցանկալի չէ, դա բավականին վատ երևույթ է: Պարտքերը վերադարձնելով և պարտատերերից ձեր գումարը ետ վերցնելով՝ Նոր տարում ավելի հանգիստ և ազատ կլինեք:
2. Կարգի բերել մտքերն ու բնակարանը.
Առաջին հայացքից այս կետը կարող է ծիծաղելի թվալ, բայց իրականում տանը զգալի փոփոխություններ կատարելը Ամանորի ամենակարևոր գործերից մեկն է: Հարկավոր է նաև «կարգի բերել» մտքերը: Պետք է դեն նետել բոլոր տեսակի բացասական մտորումները և դրական տրամադրվել գալիք տարվա նկատմամբ:
3. Կազմել եկող տարվա առաջին կիսամյակի գործերի օրակարգը.
Ճիշտ է՝ դժվար է պատկերացնել, թեկուզ 6 ամսվա ամբողջական օրակարգը, սակայն որոշակի հստակությունը ոչ ոքի չի խանգարի:
4. Նվերներ գնել.
Ընկերների և հարազատների համար նվերներ գնելը նախատոնական ամենակարևոր գործերից մեկն է, և այդ պատճառով Ամանորից առաջ հարկավոր է չմոռանալ նվերների մասին:
5. Չհիվանդանալ.
Ամանորյա եռուզեռը միշտ մոռացության է մատնում դրսում տիրող ցուրտ եղանակը: Հարկավոր է հիշել, որ, այնուամենայնիվ, դրսում ձմեռ է և սեփական առողջությունը հարկավոր է միշտ ուշադրության կենտրոնում պահել:
Մուտք
6057
| 
ՉԱՏ