Տղամարդիկ անձնական տարածության կարիք ունեն: Իդեալական կինը պետք կարողանա ժամանակին հեռանալ' հանգիստ թողնելով ամուսնուն: Պատասխանատվությունը, որը կրում է տղամարդը, նրանից մեծ էներգիա է խլում:
Երբեմն նրան անհրաժեշտ է ուղղակի մենակ մնալ կամ շփվել ընկերների հետ, լիցքաթափվել, ֆուտբոլ նայել, մտածել խնդիրների լուծման մասին: Կանայք հաճախ չեն հասկանում, իրենց թվում է, թե իրենք են մեղավոր, սկսում են ավելորդ ուշադրությամբ խանգարել ամուսնու հանգիստը և ավելի են վատացնում հարաբերությունները: Անձնական տարածությունը ենթադրում է անձնական իրեր' հեռախոս, համակարգիչ, ինչին պետք չէ մոտենալ: Պետք է թույլ տալ տղամարդուն հանգստանալ միայնության մեջ: Համբերատար կինը ճիշտ վարքագծով ավելի շուտ կհանի ամուսնուն նման վիճակից:
Տղամարդիկ սիրում են, երբ իրենց վստահում են:
Ցանկացած տղամարդու դուր է գալիս, երբ իրեն ընդունում են այնպես, ինչպես կա և հավատում ու վստահում են նրա ընդունակություններին: Երբեմն չի ստացվում, երբեմն կինն ավելի ճիշտ որոշում է ընդունում, բայց տղամարդը պետք է իրեն տղամարդ զգա, նրան պետք է հնարավորություն տալ' հոգ տանել ընտանիքի մասին, պատասխանատվություն կրել: Նույնիսկ ամենաթույլ տղամարդը նման իրադրությունում կարողանում է համարձակ որոշումներ ընդունել: Կնոջ վստահությունը թույլ է տալիս ավելի քիչ սխալվել: Իդեալական կնոջ կողքին տղամարդն իրեն հերոս է զգում: Իսկ իսկական տղամարդու կողքին կինն իրեն թույլ էակ է զգում:
Պետք չէ մոռանալ սեփական ցանկությունների մասին:
Երբ տղամարդն ամուսնանում է սիրելի կնոջ հետ, ուզում է նրան երջանիկ տեսնել: Պետք չէ լռել սեփական ցանկությունների մասին և պետք է կարողանալ շնորհակալ լինել: Որոշ կանայք մոռանում են իրենց մասին' ամբոջությամբ տրվելով առօրյա հոգսերին: Տղամարդու կողմից արված ուշադրության նշաններն ու նվերները պետք է մեծ ուրախությամբ ու ոգևորությամբ ընդունել: Հակառակ դեպքում, տղամարդը կնոջ համար որևէ հաճելի բան անելու հետաքրքրությունը կորցնում է: Կանանց մի մասն էլ, հակառանը, անընդհատ ինչ-որ բաներ է պահանջում' մուշտակ, թանկարժեք զարդեր: Որպես կանոն, նման դեպքերում երկուսն էլ հաճույք չեն ստանում նվերներից: Պետք կարողանալ ճիշտ պահանջել և շնորհակալ լինել: Այս դեպքում կինը երջանիկ է, իսկ տղամարդը ձգտում է կատարել նրա բոլոր ցանկությունները:
Աղբյուր՝ ArmEco.am · նյութի մասնակի կամ ամբողջական արտատպումն առանց ArmEco.am-ին հղման արգելվում է
Մուտք
6431
| 
ՉԱՏ