Արտագաղթ և կենսամակարդակի անկում. գազի թանկացման հետևանքները

Ի՞նչ հետեւանքներ կունենա գազի գնի հնարավոր բարձրացումը Հայաստանի սոցիալ-տնտեսական իրավիճակի վրա: Մասնագետներն արդեն որոշ եզրահանգումներ արել են: Այն շղթայական թանկացումների եւ սոցիալական ճգնաժամի պատճառ կդառնա, նաեւ կնպաստի աղքատության եւ արտագաղթի ցուցանիշի աճին: Տնտեսագետների համոզմամբ` առաջիկայում ականատես կլինենք բնակչության կենսամակարդակի անկման, եւ ընդհանուր իրավիճակը վերահսկողությունից դուրս կգա, եթե ՀՀ իշխանություններն անհրաժեշտ քայլեր չձեռնարկեն: «Նախախորհրդարան» քաղաքացիական շարժման անդամ Արտաշես Բոյաջյանի կարծիքով` զարմանալին այն էր, որ դեռ գազի թանկացումը չհաստատված` վարչապետը հայտարարում է 30 տոկոսով սուբսիդավորման մասին, դա արդեն խոսում է այն մասին, որ թանկացումը նախօրոք նախատեսված է եղել: