Ուրբաթ օրվա գաղտնիքը: Դեռ հին ժաղովուրդներն ուրբաթ օրը համարել են անհաջող կամ անիծված: Հնարավոր է դրա պատճառն այն է, որ 2000 տարի առաջ, հենց ուրբաթ օրն են խաչել Քրիստոսին կամ էլ վաղուց մարդիկ նկատել են, որ ուրբաթ օրվա համար նախատեսված գործերն հաջող չեն ընթացել:

Տարածված կարծիքն այն մասին, թե ուրբաթ օրը դժբախտ է, կարելի էր սնահատավություն համարել, եթե չլինեին հակառակը հավաստող փաստեր:  Բրիտանական խոշորագույն "Լլոյդ"  ապահովագրական ընկերությունը, որն արդեն մի քանի դար է, ինչ ապահովագրում է խոշոր և թանկարժեք նախագծեր, նավեր ու զարդեր, իր գործունեության մեջ հաշվի է առնում "սև ուրբաթի" կանոնը: Ըստ այդ կանոնի, ավտովթարների, նավաբեկությունների և աղետների հավանականությունը մեծանում է հենց այդ օրերին:

Ուրբաթը "սև" են համարում ոչ միայն քրիստոնյաները, նաև մահմեդականները: Իսլամական երկրների մեծամասնությունում ուրբաթ օրերին գործնական հանդիպումներ չեն նշանակվում, պայմանագրեր չեն կնքվում, առևտուրը կրճատվում է:

Ճակատագրական օրեր: Բոլորը գիտեն` 13 թիվն համարվում է դժբախտություն բերող: Խորհրդային գաղափարախոսությունը թույլ չէր տալիս նման բաներին ուշադրութուն դարձնել, ինչը չի կարելի ասել Արևմուտքի մասին` մեծ քաղաքներում չկան այդ թվագրումով տներ, հարկեր, նստոցներ` ինքնաթիռներում և կինոթատրոններում, էլ չենք խոսում այն մասին, որ հիվանդասենյակի համարը լինի 13:

Ուրբաթ 13: Վիճակագրությունը հստակ ցույց է տալիս, որ եթե 13 ամսաթիվը համընկնում է ուրբաթ օրվա հետ, ապա պետք է սպասել անհաջողությունների: Եվ դա պարզապես զուգադիպություն չէ, այլ հաստատված փաստ: Օրինակ, բրիտանացի վիրաբույժներն այդ օրերին ձգտում են չկատարել բարդ վիրահատություններ, քանի որ գիտեն` տվյալ դեպքում անհաջող ավարտի հավանականությունը մեծանում է մոտ 2 անգամ:

Այդ "դժբախտ ուրբաթը" ճակատագրական էր Չիկագոյի մաֆիայի պարագլուխ Ալ Կապոնեի, հայտնի երաժիշտ և ռեպեր Թուպակ Շակուրի համար: Ցուցակը կարելի է երկար շարունակել, և քանի որ մարդկության պատնությունն ունի սկիզբ, բայց դժվար թե` վերջ, ապա միշտ էլ կգտնվեն "սև ուրբաթի" զոհեր:

Ավտոսիրողների գերմանական ակումբը հրատարակել էր իր կողմից գրանցված ավտովթարների ցուցակը: Կարելի է դա համարել զուգադիպություն, բայց "սև ուրբաթ" օրը ճանապարհային աղետների և զոհերի թիվն ավել էր միջինից մոտ 60 տոկոսով:

"Սև ուրբաթի" նկատմամբ մեծ սնահավատություն են ցուցաբերում նաև եվրոպական ու ամերիկյան զբոսաշրջության գործակալությունները` նրանք ոչ մի դեպքում չեն վաճառի ուղեգիրը, եթե այն սկսվում է 13 ամսաթվով ուրբաթ օրը: Ոստիկանները վաղուց են նկատել, որ ուրբաթ օրն իրենց համար ծանր է` միանգամից աճում է գողությունների, կողոպուտների, սպանությունների թիվը: