Շաբաթ, 20 Ապր 24, 01:17
094 91 93 23
095 91 95 25

Շատերը, որոնք կյանքում անհաջողության են մատնվել, դրանք մարդիկ են, որոնք այդպես էլ չհասկացան, թե ինչքան մոտ էին գտնվում հաջողությանը այն պահին, երբ հանձնվեցին... Թոմաս Էդիսոն

Գլխավոր » Բլոգեր » Հետաքրքիր նյութեր » Զուգահեռ աշխարհի առեղծվածները
Զուգահեռ աշխարհի առեղծվածները
Հետաքրքիր նյութեր | Բլոգգեր` armeco-87 | 09 Դեկ 12 17:42

Զուգահեռ աշխարհի առեղծվածները
Հետազոտող գիտնականների շրջանում վաղուց տարածված է այն վարկածը, որ Երկիր մոլորակի վրա մեր աշխարհից բացի, ըստ ամենայնի, գոյություն ունեն երկու կամ ավելի զուգահեռ աշխարհներ, որտեղ մեզ հետ համատեղ կամ մեզանից անկախ ապրում են այլ կենդանի էակներ: Բացի այդ, կան բազմաթիվ վկայություններ, նույնիսկ` գիտական փաստեր, որոնք հաստատում են զուգահեռ աշխարհների առկայությունը:
1960 թվականին Հարավային Աֆրիկայի Հանրապետության ֆերմաներից մեկում մի քանի օրվա ընթացքում ոստիկանների աչքերի առջև 20-ամյա մի տղայի մարմնի վրա անսպասելի առաջանում էին կտրված վերքեր` կարծես նշտարով արված:
1876-79 թթ. չինական Նանկին քաղաքի լրագրերը բազմիցս են տեղեկացրել այն մասին, թե ինչպես են քաղաքում հայտնվում անտեսանելի "դևեր", որոնք բոլորի աչքի առաջ կտրում են մարդկանց ծամիկները (չինացիները սովորություն ունեն հյուսած ծամիկներ կրել): Շատերը փորձում էին ձեռքերով փակել գլուխը, բայց միևնույն է` ծամիկներն անհետանում էին և այնպիսի տպավորություն էր, որ կարծես դրանք իրենք իրենց էին կտրվում:
1922 թվականին Լախոր քաղաքի (Պակիստան) փողոցներում շրջում էր ոմն անտեսանելի էակ, որն օրը ցերեկով բռնում էր մարդկանց ու տանում անհայտ ուղղությամբ:
Նման դեպքեր շատ կան գրանցված, բայց ամենասարսափելին, թերևս, տեղի է ունեցել 1761 թվականին` Իտալիայի գյուղերից մեկում: Հինգ կին, փայտերի կապոցները մեջքերին, վերադառնում էին տուն: Հանկարծ նրանցից մեկն ահասարսուռ ճիչ է արձակում ու ընկնում գետնին: Պատկերը սահմռկեցուցիչ էր. զոհի մարմինը կարծես ներսից տրաքված լիներ: Նրա փորոտիքը լրիվ դուրս էր թափվել, մկանները զրկված էին արյունից, ոսկորները` ջախջախված: Գանգի վրա երևում էին մի քանի խոշոր անցքեր: Ի դեպ, նման երևույթ տեղի է ունեցել նաև 1988 թվականի սեպտեմբերի 29-ին Բրազիլիայում. ջրամբարի ափին հայտնաբերվել էր տղամարդու դիակ: Մարմնի վրա պայքարի հետքեր չկային, բայց տարբեր մասերից հեռացված էին հյուսվածքները, ձեռքերի ու նախաբազուկների վրա կային բազմաթիվ անցքեր, որոնք փորձագետների պնդմամբ, չէին կարող առաջանալ հրազենից: Հեռացված էին նաև շչթունքները, ականջները, լեզուն ու սեռական օրգանները: Կրքավանդակը ներս էր ընկած, քանի որ պորտի վրայի 3.8 սմ անցքից ոսկերչական վարպետությամբ հանված էին ներքին օրգանները: Բժիշկների հավաստմամբ, այդ գործողությունները կարող էր կատարել միայն վիրահատությանը կատարելապես տիրապետող մասնագետը: Վերքերի բացակայությունը վկայում էր այն մասին, որ կիրառվել էր լազեր: Շատ հավանական է, որ վերոնշյալ երկու հանցագործությունները "զուգահեռ աշխարհի" անտեսանելի էակների ձեռքի գործն է:
Վաղուց արդեն հաստատված է, որ ընտանի կենդանիները զգում են այդ "անտեսանելի չարագործներին": Գիտենալով կատուների և շների` օտար էակների ներկայությունը ինչ-որ կերպ ըմբռնելու (զգալու) ունակությունը, իտալացի գիտնական Բոքքոնին իր լաբորատորիայում անցկացրել է գիտափորձերի մի ամբողջ շարք: Նա սենյակներից մեկում նշանակեց հերթապահ, որը պետք է լուսանկարեր սենյակի դատարկ անկյուններն այն պահին, երբ այդտեղ տեղադրված սարքերը կսկսեին ֆիքսել անսովոր ինֆորմացիա կամ շներն ու կատուներն առանց որևէ պատճառի կցուցաբերեին անհանգստության նշաններ: Փորձերը տևեցին մի քանի տարի: Արդյունքում` լուսանկարների վրա հայտնաբերվեցին անծանոթ մարդկանց ու գազանիկների պատկերներ, որոնք նման էին ուրվականների: Մարդու հնարավորությունները թույլ չեն տալիս տեսնել այդ աշխարհը, բայց հետազոտողներն ենթադրում են, որ անտեսանելի էակներին մենք կարող ենք տեսնել, եթե գտնվում ենք թմրադեղերի կամ ոգելից խմիչքների ազդեցության տակ: Նման դեպքերում մարդը դուրս է գալիս իր սովորական վիճակից ու "ներխուժում" իր համար արգելված ոլորտ: Այդտեղ նա կարող է բախվել տհաճ երևույթների, քանի որ ինչպես նշվեց վերևում, անտեսանելի էակները թշնամաբար են տրամադրված մեր հանդեպ: Սակայն կարելի է ներխուժել "զուգահեռ աշխարհ"` պահպանելով ինքնությունը, այսինքն` միտքն ու հոգին: Օրինակ, կարելի է շաբաթը 2-3 անգամ նայել հայելուն` ետևում ունենալով մուգ ֆոն, ու ամեն անգամ ձգտել տեսնել գլխի շուրջբոլորը տարածված թույլ լուսարձակումը, ինչպես նաև` ցուցամատի և բութ մատի միջև ընկած լույսը: Հեշտ չի լինի, բայց պետք չէ վհատվել: Մոտավորապես 6-ամսյա պարբերական փորձերից հետո մարդը սկսում է տեսնել ուրիշների բազմերանգ աուրան: Սակայն դա ընդամենը առաջին քայլն է դեպի անտեսանելի աշխարհ: Մշտական վարժանքները միայն կարող են նկատելիորեն ընդլայնել մարդու` նուրբ աշխարհը տեսնելու կարողությունը:
"Զուգահեռ աշխարհների" հետազոտողները, հիմնվելով փաստերի վրա, համոզիչ կերպով ապացուցում են, որ Երկրագնդի վրա կան առանձնահատուկ վայրեր, որտեղ "զուգահեռ աշխարհներից" բաժանող սահմաններն ինչ-որ պահի դառնում են թափանցիկ, և կարծես անտեսանելի պատի միջով մեր աշխարհ են հայտնվում անկոչ հյուրեր կամ մեր աշխարհից անհետանում են այդ պահին այնտեղ հայտնված մարդիկ:

Աղբյուր՝ ArmEco.am · նյութի մասնակի կամ ամբողջական արտատպումն առանց ArmEco.am-ին հղման արգելվում է
 
view 7857 | date 5.0/2 | date առեղծված, անտեսանելի էակներ, առեղծվածային պատմություններ, հետաքրքիր, զուգահեռ աշխարհ

 

Հարգելի ընկերներ, խնդրում ենք մեկնաբանություն թողնելիս լինել մաքսիմալ կոռեկտ և խուսափել վիրավորական արտահայտություններից: Այլապես Ձեր մեկնաբանությունները կհեռացվեն կայքից:


Մեկնաբանություններ: 0
GRENQ HAYEREN ԳՐԵՆՔ ՀԱՅԵՐԵՆ` translit.am
Ավելացնել մեկնաբանություններ կարող են միայն գրանցված օգտվողները:
[ ԳՐԱՆՑՎԵԼ | ՄՈՒՏՔ ]
 

Կարող եք բաժանորդագրվել մեր հոդվածներին կամ հավանել մեր ֆեյսբուքյան էջը` facebook.com/ArmEco.am, և տեղեկանալ կայքի թարմացումներին:


 
Html հղումը
BB հղումը
Ուղիղ հղումը
 

 
Հղումներ

Diplom.am` Ռեֆ/Կուրս/Դիպլ և այլ գիտական աշխատանքներ

Կայքում արտահայտված կարծիքները պարտադիր չէ, որ համընկնեն կայքի խմբագրության տեսակետի հետ:
Կայքում ներկայացված նյութերի հեղինակային իրավունքը պատկանում է իրենց օրինական տերերին:
Կայքում զետեղված նյութերից օգտվելու դեպքում ակտիվ հղումը կայքին պարտադիր է:
Գովազդների բովանդակության համար կայքը պատասխանատվություն չի կրում:
2011 - 2015 © ArmEco.am · armeco.am@mail.ru
 
Яндекс.Метрика
Կայքի մասին · Կանոնները · Գործընկերներ · Մշակողներին · Գովազդ · ՀՏՀ · Կապ · Հոսթինգը` uCoz
ՉԱՏ
ՎԵՐ
ՌԱԴԻՈ
TV
փակել
ընդլայնել