Ինչ-որ ձայն վայրկանում կարող է փոխել Ձեր տրամադրությունը, որը կարող է ուղեկցել Ձեզ ողջ օրվա ընթացքում:
Այստեղ կթվարկեմ մարդու ականջին առավել հաճելի թվացող ձայները:
№ 1. Անձրևի կաթկթոց
Լավ է, որ անձրևն անմիջապես չի դադարում և մենք կարող ենք փոքր-ինչ երկար վայելել նրա կաթկթոցը:
№ 2. Ձյան խրթխրթոց
Գտնում ենք դեռևս թարմ, չտրորված փխրուն ձյուն, որը քաղաքային պայմաններում մի քիչ դժվար է, բայց երբ դա մեզ հաջողվում է, ուրեմն ապահովված է հանգստի ու ռոմանտիկայի խառնուրդը: Գերադասելի է ձյան վրա քայլել գիշերային ժամերին, քանզի խրթխրթոցն ավելի շատ լսելի կլինի: Ափսոս, որ ձյուն միայն տարվա մի եղանակին է լինում…
№ 3. Ծովի ալեբախման ձայնը
Հաջողություն է ապրել ծովափնյա քաղաքում: Այդ քաղաքի բնակիչները հաստատում են, որ տարվա ընթացքում երկար ժամանակ են անցկացնում ծովափին և’ ամռանը, և’ ձմռանը: Այս ձայնը հնչում է ընդմիշտ և եթե ժամանակը բավականացներ, հնարավոր կլիներ լսել անվերջ:
№ 4. Վառվող փայտի շաչյունը
Հնարավոր է համատեղել: Երեկոյան ծովափին կրակ վառել ու վայելել: Ճիշտ է, դա միայն ամռան հաճույք է, բայց այնպիսի ուժեղ տպավորություն է թողնում, որ բավարար է ամբողջ տարվա համար:
№ 5. Գետերի շառաչը
Անսահման է այն: Սակայն քաղաքում գետի շաչյուն որսալը դժվար է: Թերեւս այդ ձայնի բացակայությունն էլ լավ արդարացում է բնության գրկում հանգստանալու համար:
№ 6. Կատուների մռռոցը
Կատուները նուրբ ու աղվամազիկ արարածներ են: Երևի այդ պատճառով հարցումների ընթացքում կատվի մռռոցն արժանացել է բարձր տեղերի:
№ 7. Թռչունների դայլայլը
Ամենալավ զարթուցիչը, այնպես չէ՞
№ 8. Գինի լցնելու ձայնը
Կարկաչով բաժակ լցվող գինին խթանում է ախորժակը, եւ ցանկություն է առաջանում ճաշակելու այս «նեկտարը»: Խմեք միայն լավ գինի – այսպես դուք կրկնակի կմեծացնեք այդ խմիչքից ստանալիք հաճույքը:
№9. Քրքիջ
Ծիծաղը երկարացնում կյանքը, դրա հետ մեկտեղ` ստեղծելով ուրախ, լավ տրամադրություն, եւ ոչ միայն նրա համար, ով ծիծաղում է, այլեւ ուրիշների: