Սերը բոլոր կիրքերեն զորավոր է, որովհետև մարդուս գլուխը, սիրտը և մարմինը միանգամայն կհարվածե: Հ. Պարոնյան

 

Կյանքը առանց սիրո ոչ թե կյանք է, այլ՝ գոյությունը քարշ տալ: Անհնար է ապրել առանց սիրո, մարդուն հենց նրա  համար է տրված հոգին, որպեսզի սիրի: Մ. Գորկի

 

Ոչ մի բան այնպես չի ուժեղացնում սերը, ինչպես անհաղթահարելի արգելքները: Լոպե դե Վեգա

 

Որքան ուժեղ է մարդու բնավորությունը, այնքան նա քիչ է հակված անհավատարմության սիրո մեջ: Ստենդալ

 

Մենք գիտենք, որ սերն ուժեղ է, ինչպես մահը, բայց փխրուն է, ինչպես ապակին: Գ. Մոպասան

 

Սիրո մեջ, ինչպես և ատելության մեջ կարող են միավորվել ամենատարբեր զգացմունքները՝ թե տառապանք, թե հաճույք, թե ուրախություն, թե տրտմություն, թե սարսափ, թե համարձակություն, և նույնիսկ զայրույթ ու ատելություն: Կ. Դ. Ուշինսկի

 

Սիրո մեջ, ինչպես և արվեստում, չպետք է ասել այն, ինչ արդեն ասել են ուրիշները, հարկավոր է ասել այն, ինչ զգում ես, և նա, ով շտապում է խոսել, երբ դեռևս ասելու բան չունի, երբեք ոչ մի բան չասելու մեծ ռիսկ է անում: Ռ. Ռոլան

 

Իսկական սերը չի կարող խոսել, որովհետև իսկական զգացմունքն արտահայտվում է ավելի շուտ գործով, քան խոսքերով: Վ. Շեքսպիր

 

Սերը հաճախ սխալվում է՝ սիրո առարկայի մեջ տեսնելով այն, ինչ չկա…բայց երբեմն հենց միայն սերն է նրա մեջ բացահայտում գեղեցիկը կամ մեծը, որն անմատչելի է դիտողականությանը և խելքին: Վ. Գ. Բելինսկի

 

Ոչ կորստի արտասուքները, ոչ խանդի արտասուքները չի կարելի և չպետք է սրբել, բայց կարելի է և պետք է հասնել այն բանին, որպեսզի դրանք թափվեն մարդավարի, և որպեսզի նրանց մեջ չլինի հավասարապես ոչ ճգնավորական թույն, ոչ գազանի վայրիություն, ոչ վիրավորված սեփականատիրոջ ողբ: Ա. Ի. Գերցեն

               

Սերը խորհրդավոր մի երկիր է, և մենք բոլորս լողում ենք դեպի այն՝ յուրաքանչյուրն իր նավով, և մեզանից ամեն մեկն իր նավի նավապետն է ու նավը վարում է իր սեփական ճանապարհով: Մ. Մ. Պրիշվին   

 

Ամենաուժեղ ատելությունը ամենաուժեղ սիրո ծնունդն է: Թ. Ֆուլլեր

 

Սեր: Դա ամենավեհն ու հաղթականն է բոլոր կրքերից: Բայց ամեն ինչ հնազանդեցնող նրա ուժը անսահման մեծահոգության մեջ է, գրեթե գերզգայական անշահախնդրության մեջ: Հ. Հայնե

 

Կարոտել նրան ում սիրում ես, շատ ավելի հեշտ է, քան ապրել նրա հետ, ում ատում ես: Ժ. Լաբրյուեր

 

Մեծ մեղք է, որին ներում չկա, ուրիշ մարդու մեջ սիրո կյանքը սպանելը: Հ. Իբսեն

 

Սիրահարվածի համար անիմանալի են սիրեցյալի թերությունները: Ֆարուխի

 

Սիրել՝ նշանակում է մեկ ուրիշին ցանկանալ այն, ինչը բարիք ես համարում և ընդ որում ցանկանալ ոչ թե սեր ի քեզ, այլ ի սեր նրա, ում սիրում ես և ձգտել հնարավորության սահմաններում նրան տալ այդ բարիքը: Արիստոտել

 

Աշխարհում շատ են չարագործությունները, բայց, թերևս, ամենասարսափելին սերը խեղդելն է: Բ. Ժրուս

 

Սիրո վերքերը եթե միշտ չէ, որ սպանվում են, ապա երբեք չեն էլ լավանում: Ջ. Բայրոն

 

Այն մարդը, որ չարաշահում է վստահությունը և դավաճանում սիրուն, որպեսզի թույլ արարածին  գցի հուսահատության արտասուքների մեջ, իմ կարծիքով ստոր է և սրիկա: Շ. Նոդիե

 

"Եթե մարդկանց ու հրեշտակների լեզուներով խոսեմ, բայց սեր չունենամ, կլինեմ ինչպես մի պղինձ, որ հնչում է կամ ինչպես ծնծղաներ, որ ղողանջում են":

"Եթե իմ ամբողջ ունեցվածքը տամ աղքատներին և իմ մարմինը մատնեմ այրման, բայց սեր չունենամ, ոչինչ չեմ շահի": Պողոս առաքյալ

  

"Սերը համբերող է, քաղցրանում է, սերը չի նախանձում, չի ամբարտավանում, չի գոռոզանում, չի հանդգնում, իրենը չի փնտրում, չի գրգռվում, չարը չի խորհում, անիրավության վրա չի ուրախանում, այլ ուրախանում է ճշմարտության վրա, ամեն բանի դիմանում է, ամեն բանի հավատում է, ամբողջովին հույս է տածում, ամեն բանի համբերում է: Սերը երբեք չի սպառվում… Արդ՝ մնում են այս երեքը՝ հույս, հավատ, սեր, և դրանցից մեծը սերն է": 

 

"Իմ կյանքում ևս մեկ մեծ գողի եմ ճանաչում, որ խլեց ինձնից և ժամանակս, և տրամադրությունս: Նրա անունը Սեր է": Բալզակ

 

Չկա ավելի հեշտ բան, քան սովորական կնոջը բացառիկ դարձնելը: Բավական է սիրել նրան: Սովաժոն