Սիրախաղում ամենակարևոր դերն իրենց վրա են վերցնում աչքերը: Աշխատեք տեսողական կապ ստեղծել այն մարդու հետ, ում հետ պատրաստվում եք նվաճել: Նայեք ուղիղ նրա աչքերի մեջ ամենաքիչը 7 վայրկյան: Հետո թեթև ժպտացեք և փախցրեք աչքերը: Կրկնեք նույնը: Նա արդեն թակարդում է: Բայց նաեւ հիանալի հասկանում է, որ դուք սիրախաղ եք սկսել: Իսկ փոխադարձ հայացքները միայն մեծացնում են հետաքրքրությունն իրար հանդեպ:
Ժպտացեք
Բոլոր հոգեբանները և ժեստերի լեզվի մասնագետները միանշանակ պնդում են, որ ժպիտը ամենակարևոր բանն է, որ դարձնում է Ձեզ գրավիչ: Ժպիտը նշան է, որ Դուք ուրախ եք ստեղծված հանգամանքներով: Այն նաև լավ հարաբերություններ սկսելու ցանկություն է արտահայտում: Թույլ ժպիտը Ձեզ աննկարագրելի հմայք, իսկ դիմացինին աննկարագրելի հուզմունք կպատճառի:
Մի ձևացրեք
Աշխատեք լինել բնական: Ձեր դիմացինը շատ շուտ կնկատի կեղծիքը: Իսկ այն դեպքում, երբ հարաբերությունները շարունակություն ունենան, Դուք ստիված կլինեք միշտ դիմակով լինել:
Պահեք ուշադրությունը
Եթե ձեր միջև խոսակցություն է սկսվել, արեք ամեն ինչ, որպեսզի այն ավելի մոտեցնի ձեզ: Սկզբի համար ժպտացեք և պահպանեք տեսողական կապը: Ուշադիր լսեք, թե ինչ է ասում Ձեր զրուցակիցը: Տղամարդիկ սիրում են, երբ ուշադրությամբ լսում են և հիանում իրենցով: Ցույց տվեք, որ Դուք լսում եք: Ժպիտն ու ծիծաղը շատ կարևոր են այստեղ. ամենահեշտ տարբերակն է մտերմանալու: Մեկ ուրիշ արդյունավետ միջոց է, երբ նուրբ հպվում ես ձեռքին, ուսին կամ ոտքին:
Գլխի դիրքը
Սիրախաղի ամենակարևոր դետալներից է գլխի դիրքը: Դասական է գլխի թեթև թեքվածությունը, իսկ հայացքը' ուսի վրայով: Այս ասիմետրիան ուշադրություն է գրավում, ցույց տալիս Ձեր վզի գեղեցկությունը, դրա հետ մեկտեղ Դուք կկարողանաք պահպանել տեսողական շփումը: Ուսի վրայով հայացքը շատ սեքսուալ է:
Գեղեցկացեք հենց նրա աչքի առաջ
Կանայք շատ սեքսուալ և գրավիչ են, երբ ուղղում են մազերը կամ հագուստը, կարգի բերում դիմահարդարումը: Փորձեք անել դա ժպիտով: Թափ տվեք գլուխը, մազերը մի կողմի վրա գցեք: Դա դասական շարժում է, որը տղամարդկանց ուղեղն անջատում է 5-10 վայրկյանով:)
Գրավիչ շուրթեր
Ենթագիտակցաբար երկու սեռի ներկայացուցիչներին էլ գրավում են ալ շուրթերը, որոնք նաև պետք է խոնավ լինեն: Սա խորհրդանշում է Ձեր երիտասարդությունը, սեքսուալությունը: Շատ կանայք նախընտրում են վառ կարմիր շրթներկ, որն ավելի արտահայտիչ է դարձնում շուրթերը, իսկ ատամներն ավելի սպիտակ են երևում: Շուրթերի համար փայլը կդարձնի Ձեր շուրթերը խոնավ և գրավիչ:
Ոտքը ոտքին
Սա հատկապես ակտուալ է բարձ կրունկների սիրահարների համար: Այս դիրքը տղամարդկանց շատ գայթակղիչ է թվում: Չմոռանաք մեջքն ուղիղ պահել, հատկապես եթե նստած եք ոտքը ոտքին գցած: Եթե չեք կողմնորոշվում ինչպես վերցնել նրա հեռախոսահամարը, ապա մի փոքրիկ թղթի վրա գրեք Ձերը: Եթե նա հետաքրքրված է Ձեզնով, անպայման կզանգահարի: Իսկ որպեսզի ավելի հետաքրքիր լինի, գրեք Ձեր հեռախոսահամարը և վերջին երկու թվի փոխարեն դրեք հարցական նշաններ: Թող փորձի բոլոր տարբերակները:) Հիշեք, տղամարդիկ սիրում են ստեղծել բարդություններ և հերոսաբար հաղթահարել դրանք:
Մուտք
6009
| 
ՉԱՏ