Քանի դեռ Ամերիկայի Իլինոյս նահանգում օրենսգետները քննարկում են սպորտային կոշիկներ հագնելու համար հարկ սահմանելու մասին օրինագիծը, այլ նահանգներում արդեն իսկ գոյություն ունեն ոչ սովորական և նույնիսկ զվարճալի հարկատեսակներ:

Նյու Յորք. 2010թ. ի վեր հարկվում են այն կրուասանները, որոնք վաճառողը… կիսել է: Այս հարկատեսակը կազմում է 9 ցենտ` յուրաքանչյուր կիսված կրուասանի համար:

Հյուսիսային Կարոլինա. Դարեմ քաղաքում բնակիչները հարկ են վճարում ընտանի կենդանիների համար: Պետությունը ամորձատված կամ ստերիլիզացված կենդանիների համար տերերին հարկում է 10, իսկ չամորձատված կենդանիների համար՝ 75 դոլլար:

Իլինոյս. Այս նահանգի անխոնջ օրենսդիրները արդեն իսկ հարկեր են սահմանել բոլոր այն կոնֆետների համար, որոնք ալյուր չեն պարունակում:

Նյու Մեքսիկո. Հարկերից ազատվում են… 100 տարին լրացած բոլոր քաղաքացիները: Այս ձևով իշխանությունները մի կողմից իրենց անսահման հոգատարությունն են դրսևորում մեծահասակների հանդեպ, մյուս կողմից՝ գործնականորեն խրախուսում են քաղաքացիների երկարակեցությունը:

Մերիլենդ և Վիրջինիա. Այստեղ իշխանությունները քաղաքացիներին մղում են հիգիենայի և աղբահեռացման այլընտրանքային ուղիներ որոնել: Զուգարանում օգտագործված ջրի համար սահմանված է լրացուցիչ հարկ` ամսական 30 դոլլարի չափով:

Թենեսի. Այս նահանգում փաստացի հարկվում է… օրենքով արգելված գործունեությունը: Բանն այն է, որ այստեղ, նահանգային օրենսդրության համաձայն, թմրադեղեր վաճառողները վճարում են «պրոգրեսիվ» հարկ` անանունության համար: Կոկաին վաճառելու համար, օրինակ, վճարում են անհամեմատ ավելի շատ, քան մարիխուանայի իրացման: Այսպես, նահանգի իշխանությունները կարողացել են հավաքագրել շուրջ 1.5 տրիլիոն դոլլար:

Քոնեքթիքութ. Մեծահասակների համար նախատեսված տակդիրների վաճառքը ազատված է հարկումից:

Կոլորադո. Հարկեր են վճարվում անձեռոցիկների և թղթից պատրաստված բաժակների ու կափարիչների համար:

Յութա. Այն ընկերությունները, որոնց աշխատակիցները աշխատանքի են ներկայանում մերկ կամ կիսամերկ, պարտավոր են պետությանը լրացուցիչ հարկ վճարել` իրենց եկամուտների 10%-ի չափով:

Ալաբամա. Խաղաքարտերի գնված յուրաքանչյուր տուփ հարկվում է լրացուցիչ 10 ցենտով:

Տեխաս. Նավթարդյունաբերողների և կովբոյների նահանգում, ուր բնակվում են աշխարհի ամենախստաբարո տղամարդիկ, հարկվում է տան պատին կախվող ցանկացած նկար, դեկորացիա, նույնիսկ` տոնական խաղալիք:

Արքանզաս. Այստեղ գործում է մի օրենք, ըստ որի՝ դաջվածք անող յուրաքանչյուր քաղաքացի պարտավոր է փոխանցել դաջվածքի արժեքի 6%-ը՝ հօգուտ նահանգային բյուջեի:

Կանզաս. Լրացուցիչ հարկվում է… օդապարիկի գազը. քանի որ ինչ իմանաս` ուր է թռչելու:

armef.com