1988 թվականի դեկտեմբերի 7-ի Հայաստանում ավերիչ երկրաշարժից անմիջապես հետո Շառլ Ազնավուրը գրեց "Քեզ համար, Հայաստան" երգը, երաժշտությունը` Տիրան (Ժորժ) Կառվարենցի: Երգն առաջին անգամ կատարվել է 1988 թվականի դեկտեմբերի 20-ին Ֆրանսիայի 88 նշանավոր երգիչների մասնակցությամբ: 1989-ին երգի երաժշտության համար Կառվարենցն արժանացել է "Ոսկե սուր" մրցանակի:

Քո գարունները կծաղկեն նորից

Պայծառ օրերդ կբացվեն կրկին

Ձմռանից ու այս դժողքից հետո

Դարձյալ կհառնի ծառը քո կյանքի:

Քեզ համար, Հայաստան:

Քո տարիները կերգեն էլի,

Սյունդ կլինի ավելի հաստատ,

Մղձավանջից ու սարսափից հետո

Ավերված հողդ կամոքի Աստված:

Քեզ համար, Հայաստան

Հիմա աշխարհն է քեզ հետ, աշխարհը ոտքի է ելել

Ամբողջ աշխարհն է հագել զգեստները քո սգո,

Ով մոռացված ժողովուրդ, նա քեզ իր սիրտն է բերել,

Նա իր ձեռքն է քեզ պարզել և կիսում է վիշտը քո:

Եթե նույնիսկ դու հիմա քո չար բախտն ես անիծում,

Քո հավատը առ գալիք թող չլքի դարձյալ քեզ,

Քո աչքերում, Հայաստան, ես ուզում եմ տեսնել հույս

Եվ քո բախտը ուզում եմ քո ձեռքերում տեսնել ես:

Երևանի "Մոսկվա" կինոթատրոնի առջևի հրապարակը կոչվել է Շառլ Ազնավուրի անունով: Գյումրիում կանգնեցվել է Ֆրանսահայ մեծանուն երգչի արձանը:

Երևանաբնակ քանդակագործ Կառլեն Միրզոյանը պատրաստել է 88 ինքնատիպ և հայաշունչ սափորներ "Քեզ համար, Հայաստան" երգն առաջին անգամ կատարած երգիչներին նվիրելու համար: