Աշխարհի լավագույն բոդի-արտ նկարիչներից մեկը հետաքրքիր «հնարք» է կիրառել իր գործերով, որտեղ իր մոդելները կարծես անհետանում են շրջակա միջավայրի մեջ:
Այդ հրաշագործը՝ Յոհաննես Սթյոթերը, կտավի փոխարեն օգտագործելով մարդկային մարմինները, կերպարանափոխել է պատկերների՝ ոգեշնչված կենդանի բնությամբ:
35-ամյա նկարիչը հինգ ամիս հետևողական պլանավորել և քրտնաջան իրագործել է իր այս զարմանահրաշ նախագիծը:
Արվեստի յուրաքանչյուր գործի վրա ծախսվել է մոտ 8 ժամ, որտեղ օգտագործվել են հատուկ մարմինների համար նախատեսված ներկեր, որոնք չեն խոչընդոտում մաշկին շնչել:
Տարօրինակ և զարմանահրաշ կենդանիներ, մրգեր՝ նկարված գլուխների վրա, և այլ աշխատանքներով նկարիչը վաստակել է հիրավի աշխարհի լավագույն բոդի-արտ նկարիչներից մեկի տիտղոսը:
Յոհաննեսը, ով Իտալիայից է, ասում է. «Իմ առաջին բոդի-արտ աշխատանքը ես արել եմ 2000 թվականին: Այդ փորձը այնքան գրավիչ էր, որ ես ուզեցի փորձել տարբեր մոդելների վրա և տարբեր իրավիճակներում: Ես չէի կարող պատկերացնել, որ կարելի է փող վաստակել մարմնի վրա նկարելով, բայց դա այն էր, ինչին ես ձգտում էի»:
Յահաննեսը մասնակցել է բազմաթիվ բոդի-արտի մրցաշարերի և 2012թ.-ին վերջապես շահել է առաջին մրցանակը:
Մուտք
5159
| 
ՉԱՏ