Ռագնար Ֆրիշ (Նորվեգիա)
1969թ. - "Տնտեսական պրոցեսների վերլուծության նկատմամբ դինամիկ մոդելների զարգացման և կիրառության համար":
Ռանգար Ֆրիշ (1895-1975). սովորել է Օսլոյի համալսարանում տնտեսագիտություն մասնագիտությամբ, որն, իր խոսքերով ասած "ամենակարճ և ամենահեշտ դասընթացն էր": 1919-ին ստանում է բակալավրի աստիճան, այնուհետև ուսումը շարունակում Ֆրանսիայում, Գերմանիայում, Մեծ Բրիտանիայում, ԱՄՆ-ում: 1926-ին ստանում է դոկտորի աստիճան մաթեմատիկական վիճակագրության գծով: Նա նորովի է մոտենում սպառողական պահանջարկի տեսությանը որպես տնտեսագիտության մի բնագավառի, որն ուսումնասիրում է անհատի պահվածքը: Տնտեսագիտական վերլուծությունները նա արդյունավետ է դիտում տնտեսագիտության տեսության, վիճակագրության և մաթեմատիկայի սինթեզի մեջ ու առաջիններից մեկն էր, որ սահմանազատեց մակրո և միկրո վերլուծությունները: Նորարական են համարվում նրա "ցիկլերի տեսության դինամիկ արտահայտության", "վարկածների վիճակագրական տեստավորման մեթոդների" մշակումները: 1932-65թթ. Ֆրիշը գլխավորել է Օսլոյի տնտեսագիտության ինստիտուտը: Եղել է Նորվեգիայի կառավարության կոնսուլտանտը, մի շարք երկրների ազգային ակադեմիաների պատվավոր անդամ:
Աշխատությունները. "Զուտ տնտեսագիտության հիմնահարցի մասին" (1926), "Սահմանային օգտակարության չափման նոր մեթոդներ" (1932), "Խնայողությունները և շրջանառության պլանավորումը" (1933), "Մուլտիպլիկացիոն մեթոդ գծային ծրագրավորման համար" (1955), "Էկոնոմետրիկան ժամանակակից աշխարհում. ներածություն, աճ և առևտուր՚ (1970):"
Մուտք
ՉԱՏ